[A:292]brjod khyad 'phags/ /mdo rgyud bstan bcos kun las bsngags pa bzhin/ /'dir 'bad dge tshogs byang chub chen por bsngo/ /de ltar gnas gsar 'jam mgon bla ma yi/ /rtogs brjod ngo mtshar rab 'byams 'di brtsams tshe/ /bstan pa'i bdag po ston mchog 'khrungs pa sogs/ /bstan rtsis nyung ngu'i rnam gzhag ci zhe na/ /'di la mkhas pa'i bzhed pa mang na yang / /rang lugs rgya gar rgyal po yongs grags 'gas/ /mnga' 'bangs bu lon mdzod nor gyis sbyangs te/ /zong gsar spyod pa nas bzung lo brtsi ba/ /'di yi khungs ni lugs chen zhes bya las/ /g.yul bstan 'og tu nyis stong dga' byed 'og /brgyad brgya zhes sogs bshad cing de yi don/ /rtsod dus rgyal po skya seng mched lnga'i gcen/ /g.yul bstan gyis bcos nyis stong nye ba'i tshe/ /bcom ldan shAkya'i rgyal po sa 'brug bltams/ /brgyad cu bzhes pa me phag lo la gshegs/ /de nas brgya dang so bdun lon pa na/ /dga' byed byung zhes rtog ge 'bar bar bshad/ /des na slob dpon bsod nams rtse mo dang / /'jam mgon bla ma sa skya paNDi tas/ /'di la brten nas bstan rtsis rtsom par bzhed/ /thub dbang mya ngan 'das nas sum stong dang / /chig brgya re drug shing pho khyi yi lo/ /'khon ston chen po dkon mchog rgyal po 'khrungs/ /bzhi bcu chu glang dpal ldan sa skya btab/ /re dgu chu rta lo la zhi bar gshegs/ /'khon ston nga dgu chu sprel sa chen 'khrungs/ /re bdun sa stag gshegs te nga dgu'i lo/ /lcags pho rta la dpal chen 'od po 'khrungs/ /nga bzhi chu phag gshegs de so lnga pa/ /shing 'brug zang tsha bsod nams rgyal mtshan