[A:294]gsum pa/ /nga gnyis me glang lor gshegs de nyid las/ /gcig gis gzhon pa me mo phag gi lor/ /bod mkhar yol ba rta ra chos rje gsum/ /'khrungs shing bod mkhar re gcig me phag gshegs/ /yol pa don gsum sa phag lo la gshegs/ /rta ra chos rje don bdun chu yos lor/ /gshegs shing de las so gnyis kyis gzhon pa/ /sa lug 'jam dbyangs bsod nams dbang po dang / /dbang phyug rab brtan 'khrungs shing bsod nams dbang / /re gsum lcags byar gshegs shing dbang rab rje/ /don brgyad me pho byi ba'i lo la gshegs/ /de las lo bzhis gzhon pa sngags 'chang rje/ /grags blo chu phag 'khrungs shing nga lnga pa/ /me sbrul lor gshegs de las dgus gzhon pa/ /ngag dbang chos grags chu sprel bdun cu pa/ /lcags sbrul lor gshegs de las nyer lnga yis/ /gzhon pa me bya 'jam mgon a mes zhabs/ /re gsum sa phag lor gshegs de nyid las/ /lo lngas gzhon pa chu stag zhwa lu ba/ /rin chen bsod nams mchog grub brgyad cu'i lo/ /lcags byar gshegs shing de las lo gcig gis/ /gzhon pa chu yos khyab bdag bka' 'gyur ba/ /nga bdun sa phag lor gshegs rje de las/ /bcu bzhis gzhon pa gong sa rdo rje 'chang / /lnga pa me sbrul lor 'khrungs re drug pa/ /chu khyir gshegs shing de las nyer gcig gis/ /gzhon pa 'jam dbyangs bsod nams dbang phyug ni/ /sa stag 'khrungs shing zhe brgyad shing glang gshegs/ /de las brgyad kyis gzhon pa sgro lung pa/ /bsod nams chos 'phel me khyi gya gsum lo/ /sa sprel