[A:295]gshegs shing de las lo brgyad kyis/ /gzhon pa rdo rje 'chang dbang rmor chen rje/ /shing rtar 'khrungs shing don lnga sa sprel gshegs/ /de las gnyis kyis gzhon pa sa skya pa/ /kun dga' bkra shis me pho sprel lor 'khrungs/ /nga drug lcags mo yos kyi lo la gshegs/ /de las so lngas gzhon pa brag rtsa rje/ /lcags lug 'khrungs shing nga lnga shing glang gshegs/ /de las bcu gsum gyis gzhon gnas gsar rje/ /shing sprel 'khrungs shing nga bdun lcags 'brug gshegs/ /de las gcig gis gzhon pa'i drin chen rje/ /rdo rje 'chang dbang bsod nams rin chen zhabs/ /shing byar 'khrungs shing so bdun lcags byar gshegs/ /de nas lo grangs nyer gsum 'das pa yi/ /nyer bzhi shing byar kho bos 'di brtsams so/ /des na thub dbang mya ngan 'das nas lo/ /sum stong brgyad brgya dgu bcu go brgyad 'das/ /dpal ldan sa skya btab nas drug brgya dang / /dgu bcu go gnyis 'das lo 'khrul med yin/ /bla ma'i gdan sa gsang chen smra ba'i gnas/ /bkra shis chos sde lcags yos btab nas lo/ /brgya dang don bzhi 'das shing don lnga pa/ /sa skyong zhes pa shing bya lo 'di'o/ /thub bstan lnga brgya phrag bcur gnas pa las/ /'bras sgrub dus kyi lnga brgya phrag drug dang / /lung dus lnga brgya phrag bdun mngon par 'das/ /lnga brgya phrag brgyad mdo sde spyod steng nas/ /lo grangs sum brgya go brgyad 'das zin pas/ /kye ma da ni rnam dag bstan pa'i rgyun/ /mdo 'phros brgya gcig lnga brgya phrag dgu pa/ /'dul ba'i dus