[A:296]kyi lnga brgya phrag gcig ste/ /sdom pas lo grangs drug brgya gnyis gnas shing / /lnga brgya phrag bcu rtags tsam 'dzin pa bcas/ /chig stong chig brgya gnyis yod brtson 'grus skyed/ /skye ba kun tu khyed zhal mthong ba dang / /gsung gi bdud rtsi 'thung zhing bgyi ba kun/ /bla ma dam pa mnyes pa'i rgyur gyur nas/ /rang gzhan don gnyis ma lus mthar phyin shog /gnas skabs rgyal bstan spyi dang sa skya pa'i/ /bstan dang bstan 'dzin sbyin bdag dar ba dang / /de la brten nas gdul bya spyi bye brag /'phral yun phan bde'i dpal la spyod par shog /rje btsun bla ma'i brtse chen byin rlabs dang / /bdag sogs gdul bya'i dad pas gsol btab mthus/ /gnas skabs mthar thug rten 'brel zab mo kun/ /mi 'gyur lhun gyis grub pa'i bkra shis shog /ces rigs dang dkyil 'khor kun gyi khyab bdag drug pa rdo rje 'chang chen gzhan ngor ngur smrig gi bla gos 'chang ba bka' drin mnyam med gnas gsar 'jam mgon bla ma legs pa'i mtshan can gyi zhal snga nas kyi ngo mtshar rtogs brjod rags rim du bris pa 'di ni/ rnam 'dren dam pa'i zhabs 'bring lhag bsam can blo gsal rab rgyas nas rje de nyid kyi bka' dngos su pheb pa dang / phyag mdzod 'jam dpal sogs zhal slob du ma'i ngag las thos pa rnams lo tshigs dang bcas pa gzhir gzung zhing / gdung rus skor la yig tshang rnying ma'i khungs dang rang phyogs kyi ngag rgyun bcas bkod cing / mgon po bsod nams mchog ldan man gsung rgyun dang / gong sa rdo rje 'chang lnga pa chen po'i rnam thar go bstun sku bltams pa dang /