[A:29]te dbang phyug nyer gcig bran bzhin bkol/ ye shes kyi lha mo bdun dang dngos su sbyor ba'i grub pa brnyes/ de'i tshe bod kyi rgyal po la blon po rnams kyis snyan phra phul ba'i yi ge rgyal pos rgya gar du dge slong mi lngar gnang bas na/ dge slong lnga dang slob dpon bka' bgros mdzad de yang dag gi sgrub pa btsugs par/ dpal gyi seng ges ma gsan par nam mkha'i snying pos legs slob mdzad kyang bod du byon pas lam bar du klu'i bar chad kyis gshegs/ nam mkha'i snying po sogs bzhis slob dpon gyi bka' bzhin bsgrubs pas grub rtags su mar me rang 'bar/ dpal gtor zhag tu 'khyil/ bdud rtsi'i snod bcud rnams 'phel zhing dpal chen yab yum gyi zhal gzigs/ de dus bod rgyal po bsnyun gyis zin par/ nam snying ma gtogs gzhan sus kyang mi phan zer ba mo rtsis la babs pa bzhin/ myur du 'byon gsungs pa'i bka' shog gnang ba ltar bod du byon te/ rgyal po la byin rlabs mdzad pa tsam gyis bsnyun las grol/ yang dag gi smin grol las tshogs dang bcas pa gnang ba na/ btsun mo dmar rgyan dang sdig blon rnams kyis chos min zhes skur pa btab pas rgyal po the tshom skyes te lho brag mkhar chur spyugs/ der sgrub pa mdzad pas brag la sku rgyab kyi rjes dang phur pa btab/ nyi zer la chibs nas gshegs bzhud mdzad/ de nas ma 'gyangs par yang / rgyal po bsnyun thu mos zin pa na/ mo rtsis la nam mkha'i snying pos phan zer ba babs pa bzhin/ A tsArYa ye shes dbyangs dang gsal mchog gnyis slob dpon spyan 'dren pa la btang