[A:30]pas sngon la song gsungs/ bang phyin ma slebs par slob dpon bsam yas su byon nas/ rgyal po sku khams mi bde'am gsungs pas/ da shi ba la thug /'di la phan pa i yod/ yo byad ci dgos gsungs pas/ slob dpon gyis phan thabs yod/ yo byad ci'ang mi dgos/ rgyal po rang gis gsol ba gang bzhes nga la drongs shig gsungs nas/ zas kyi rnal 'byor mdzad de gsol ba tsam gyis cung zad bde/ de nas sum cha dang / sum gnyis dang / yongs rdzogs bzhes pa nas rim bzhin bsnyun las grol/ gsol ba'i lhag ma mdzo zho dang bcas par slob dpon gyis zhal chab btab ste rgyal por gnang / nyi ma bzhud khar rgyal po'i dbu bsil ba na/ slob dpon gyis nyi grib mtshams su phur pa btsugs te nyi ma bzung / dbu skra bsil tshar ma thag phyugs rnams ra bar chug cig gsungs nas/ phur pa bton pas nyi ma nub pa sogs thugs rje dang rdzu 'phrul la rgyal po thugs rangs nas za 'og gi ber sogs phul/ slob dpon gyis bka' 'khor dam pa'i rgyud lnga dang / sme brtsegs me ltar 'bar ba/ 'jam dpal gsang rgyud/ gwa'u nag po/ ro langs gsang rgyud/ tsitta gsang rgyud rnams bsgyur/ de nas sngar lo paN du mas chos bsgyur ba rnams la rab gnas mdzad pa'i tshe rgyal po dang nam mkha'i snying po gnyis khrom gseb tu phyag la ma 'chams pas/ nam mkha'i snying pos rgyal po'i bla ma mi byed do gsungs nas lho brag mkhar chur 'byon par chas pa na/ lo paN gzhan gyis yon mchod gyi bar du mtshams sbyar te/ nam mkha'i snying po bzhugs par/ phyi blon nang blon rnams kyis slob dpon