[A:31]dkrong ba'i khrims bcas te lhog sgor khri gnyis brtsegs nas rgyal po dang slob dpon bzhugs su bcug /mda' mdung sogs mtshon gyi sbyor ba brtsams pa na rgyal po thugs skrag nas sku 'dar/ slob dpon gyis gha Ta shag gsungs te thal mo phral bas blon po rnams kyis mtshon cha thams cad shor/ mgon po dang lha mo'i sku zhig yod par slob dpon gyi zhabs rdo brgyabs nas ldongs gsungs pas slob dpon gyi rjes la 'brangs/ hU~M sgra drag por gsungs pas thog babs pa sdigs mdzub kyi rtse la dkris nas 'u shang rdo'i brag la brgyabs pas dum bur bsnyil/ rgyal po la mi 'jigs sam gsungs pas/ gnam lcags kyi thog las kyang slob dpon gyi hU~M sgra de 'jigs so gsungs nas/ rgyal pos phyag phul ba sogs mkhas grub kyi go 'phang chen po la bzhugs pa de nyid/ slar yang lho brag mkhar chur gshegs te mthar phung po lhag ma med par mya ngan las 'da' ba'i tshul ston par mdzad ces bshad do/ /yang a ti sha'i rnam sprul yin pa ni/ phrin las kyi mgon po pu tra dmar po'i lung las/ ra sgreng phyogs su mchod 'bul gsol 'debs 'phungs/ /zhes dang / rje 'di'i zhabs brtan la dmigs jo bo'i sku bstod 'don dgos par gsungs pa sogs/ don gyi jo bo rjer lung bstan pa bzhin/ jo bo rje 'di ni bdag cag gi ston pa dang mnyam du thugs bskyed cing / ston pa sangs rgyas pa'i tshe rgyal sras bzang skyong du gyur nas bskal bzang 'di la sangs rgyas kyi mdzad pa ston par bshad cing / thun mong pa'i rnam thar ni/ shing glang lor dar mas bstan pa bsnubs nas lo don brgyad