[A:33]pa dang / rtogs pa'i yon tan byang sems dang ting 'dzin phun sum tshogs shing / spyan dang / mngon shes dang / rdzu 'phrul la sogs pa bsam gyis mi khyab par mnga' bas paN grub kun las ches lhag par mthong nas/ rgyal po dharmA pA las a ti sha zhes/ bod skad du phul du byung ba'i mtshan gsol te/ rgyal gar du bstan 'gro'i don dpag med mdzad nas dgung lo nga bdun pa'am re gcig gang rung la lha btsun khu dbon gyis bod du spyan drangs te sangs rgyas kyi bstan pa nam langs pa la nyi ma shar ba ltar mdzad pa de nyid yin la/ gzhan yang chos rgyal dbang po'i sdes mdzad pa'i gter ston brgya rtsa'i gsol 'debs las/ rig 'dzin padma'i rnam sprul a ti sha /zhes gsungs par dpag na/ de gnyis thugs rgyud gcig pas/ slob dpon chen po'i sprul par yang mi 'gal lam snyam ste/ skabs shig 'dar grong mkhan po zhal dkar rje drung la gsung sgros kyi mur/ nga tshe rabs mang por slob dpon chen pos rjes su bzung ba zhig ni nges par yin 'dug pheb par/ de ji ltar lags zhus pas/ chung ngu'i skabs dbang lung gang yang ma thob pa'i rnying lugs kyi nyams len zhig la brten nas rmi lam bzung bas/ bkra shis chos sde'i sgo 'phyor rab gsal gyi dpyang khar phyin pas g.yang za snyam gyis rkyen byas rmi lam zin pa dang sprul bsgyur gyi snang ba'ang shar bzhin/ de mtshungs dbang lung dang bral ba'i pad gling nas brgyud pa'i tshe sgrub cig la nyams len bgyis nub/ de kha'i rmi ltas su/ tshe bum gyi rtse rgyan tshe dpag med kyi sku yod par zil pa phrom phrom ba zhig gi zil pa