[A:35] sa skya'i rig 'dzin pho brang du bzhugs skabs shig /mnal lam du sa skya paNDi ta bzhugs yod dgongs pa la/ sa skya'i shar phyogs su mu stegs 'phrog byed dga' bo'i gur yin 'dug zer ba'i gur mang po rmis pas/ sa paN gyi sku 'khor zhig gi skye ba yin tshod du 'dug ces rdzong rams par gsungs pa dang / khyab bdag bka' 'gyur ba mgon po bsod nams mchog ldan bstan pa'i rgyal mtshan dpal bzang po'i rnam sprul yin pa ni/ grub dbang thang stong rgyal po dang / bdag chen rdo rje 'chang sogs kyi rnam sprul grub dbang sgro lung pa chen po mang thos bsod nams chos 'phel dang / grub pa'i sar bzhugs dam can bran du 'khol ba'i khams ston chen po sangs rgyas rgya mtsho sogs dam pa du mas 'khrul med du ngos 'dzin mdzad pa ni 'og tu gsal ba ltar dang / bsam yas chos skyong chen pos kyang gnas chung lcog tu rgya dar dkar po la yig brgya'i snying po bris nas phul na bzang / zhes lung bstan gyi dgongs gzhi/ sngar gung thang du khyab bdag bka' 'gyur ba dang gnas chung chos skyong gnyis la dam sel cung zad byung ba de zhi byed kyi lung bstan 'khrul med dang / rje 'di nyid kyis kyang sngon gnas rjes dran gyi tshul gsal bar gsungs pa ni/ chung ngu nas dbus skad gsungs pa dang / rje ngag la/ bka' las/ dbus 'gro dang po'i nyer bsdogs skabs/ gong dkar chos sde dran gsos pa dang / gong dkar du thog mar slebs pa'i sna bstad klu dbang gling zhes khyab bdag bka' 'gyur ba'i bzhugs gnas der thug pa'ang de'i skye ba 'dra rung tsam yin 'dra pheb pa dang /