[A:36] sman lung pa blo mchog rdo rjer/ gong ra ba rnams kyis thugs bsun zhus tshul dang / skabs shig shin tu bkren pas gtor ma'i mtheb skyu gsol dgos tshe'ang zhabs phyi der khyod rang mang tsam zo/ nged a'u rtsi zhes pheb tshul spyan chab bcas gnang ba dang / zhwa lu mkhan chen gyi'ang / sku chas thams cad lan gsum dag par mdzad skabs shin tu bkren par byung 'dug cing / de skabs shig khyab bdag bka' 'gyur ba nged sdod sa 'di dang / mkhan chen de nyid da lta 'jam dpal sdod sa 'dir bzhugs nas gsung ngag slob bshad rdzogs par gsan 'dug ces spyan chab mang po bsil mthar/ mkhan chen zhwa lu ba'i bgros byung res kyis mig chu dbang med 'ong ba zhig 'dug /ci yin ni ma shes/ pheb pa'ang skyes mchog de gnyis bla slob bam/ rdo rje'i mched po zla med yin gshis/ 'di'ang sngon gnas rjes dran gyis rje nyid khyab bdag bka' 'gyur bar don gyis rtogs nus pa dang / 'khrungs rabs gsol 'debs kyi sbyar byang du rje bka' 'gyur ba nyid nas gter ston rig 'dzin chen po 'ja' tshon snying por ma 'ongs 'khrungs rtags kyi lung bstan zhus gnang la/ skye ba phyi ma gtsang rta nag phyogs su sngags bon khyad par can gyi rigs su skyes nas bstan pa dang sems can la phan thogs 'ong tshul gnang ba'ang 'drar rung ba dang / zhes khengs bskyung gi gsung 'dis kyang khyab bdag bka' 'gyur ba chen por bsnyon med du grub pas/ rje bka' 'gyur ba'i rnam thar rgyas pa ni gong sa rdo rje 'chang lnga pa chen pos mdzad pa de nyid las rtogs par bya zhing / gong du bshad pa ltar dge slong nam mkha'i snying po'i zlos gar rje bka'