[A:40]bstan spyi dang / bye brag gi bdag por gyur pa'i bdag cag gi rnam 'dren dam pa 'di nyid du skye ba'i cho 'phrul bstan pa'i tshul ni/ gang gi rnam thar gsol 'debs kun dga' ye shes sgrol mas zhus ngor stsal ba las/ sngon goms dge legs smon lam 'bras bzang po/ /ma nyams lha yi rigs su yongs smin pa/ /skyon bral mtshan dpe'i dpal gyis mngon par mdzes/ /mthong ba don ldan gzhon nu'i sku la 'dud/ /ces gsungs pa ltar rje 'di nyid gang du 'khrungs pa'i yul ni/ de'ang skyabs mgon 'di nyid zhing khams gzhan du gshegs nye'i skabs rmor du pheb dus gong gi zhabs 'bring snye thang 'phags bde ba blo gsal rab rgyas kyis da lam sku khams dwangs 'phral rmor 'dir thugs brel chung bar 'ong 'dug gshis rnam thar rin po che zhal gsung ma zhig thugs rjes gzigs dgos tshul zhus par/ kho bo'i rnam thar kho na rkyang 'ded du bris kyang nying dgos ha cang mi 'dug pas/ nged rang gi bsam pa ltar na/ dang po rigs rus 'chad skabs su bod kyi mi rigs sogs byung tshul/ skyes pa'i skabs gza' skar gyi rnam gzhag sogs rgyas pa/ skye yul ngos 'dzin skabs bod khams gling dgu dang stong sde bco brgyad sogs byung tshul/ rab tu byung skabs 'dul ba'i skor sogs kyi rnam gzhag rgyas pa/ dper na mi blo gros 'bring tsam zhig gis rnam thar tshar gcig bklags pas phyi nang gi rig gnas gang ci'i don spyi char nges pa/ de'i khongs nas rnam thar yang thon pa zhig byung na snyam yang yi ges 'jigs nas ma byung gsungs pas/ blo gsal rab rgyas kyis/ 'o na ci nas