[A:41]kyang brtse gzigs sku drin che ba zhu shing / bka' bstan sogs kyi lung khungs len pa dang / yi ge'i zhabs 'degs zhu chog tshul zhus par/ ci'ang mi gsung zhes bshad pas/ rnam 'dren dam pa de nyid kyi thugs la shar ba bzhin lo rgyus zab cing rgya che ba zhig bdag lta bus 'dri ba rngo ma thogs kyang / thugs kyi dgongs pa khyad par can rdzogs pa'i phyir dang / gang dag ma dad pa dag dad par bya ba'i phyir dang / dad pa dag kyang dad pa'i dngos po phyi phyir gong 'phel du 'gyur ba'i phyir dang / rang gzhan kun gyi rgyud la ye shes gzigs pa'i byin rlabs khyad par can ci dgar 'jug pa sogs dgos pa dang nying dgos bsam gyis mi khyab pa nyid kyi phyir/ zab yangs yon tan rgya mtsho'i brjod bya'i rang bzhin las/ rjod byed rang blos gang zin tsam zhig 'bri na/ sku 'khrungs pa'i yul ni/ de'ang / tshul gsum gsal rgyan las/ de yi gnas ni stug po bkod pa ste/ /mi mjed 'jig rten khams sogs du ma zhig /nang du tshud pa me tog rgyan gyis brgyan/ /de 'dra du ma nang du tshud pa ni/ /rgya mtsho zhes bya longs sku'i phyag na gnas/ /zhes pa ltar/ ston pa rnam par snang mdzad gangs can mtsho'i phyag mthil gyi lhung bzed spos chus yongs su gang ba'i rgya mtsho chen po'i dbus su/ padma'i sdong po chen po rgya khyon rab tu yangs pa skyes pa la/ me tog padma nyi shu rtsa lnga tho brtsegs su yod pa'i me tog re re'i steng du 'jig rten gyi khams re re yod par gsungs pa'i / padma bcu gnyis yar mar du brtsis pa'i dbus bcu gsum pa'i steng na gnas pa'i 'jig rten gyi khams/ sprul pa'i sku ston pa shAkya'i rgyal po'i