[A:43]mchog spyan ras gzigs kyi gdul bya'i zhing du gyur pa ni/ padma drwa ba can gyi rgyud las/ sngon tshe 'das dus bskal ba ni/ /bye ba phrag brgya'i snga rol na/ /bde gshegs rdzogs sangs rgyas kyi mtshan/ /tshe dpag med ces 'jig rten du/ /ston pa byung bar bdag gis mnos/ /de tshe phyogs bcu'i sangs rgyas kyis/ /bdag la dbang bskur lung bstan mdzad/ /phyis ni 'dren pa shAkya zhes/ /mi mjed 'jig rten khams 'khrungs tshe/ /mi yul las kyang khyad par du/ /yi dwags gling du skyes pa 'ga'/ /bstan la 'dud 'phel bya ba'i phyir/ /mtshan mo mun nag sprin rum du/ /skad cig glog 'gyu ji lta bar/ /rig sngags 'chang ba gdong bcu gcig /yan lag stong dang ldan pa la/ /spyan ni chig stong sum cu pa'i/ /tshe dang ldan pa'i sku 'byung 'gyur/ /zhes shAkya seng ge'i bstan pa la/ bod yul yi dwags kyi gling spyan ras gzigs phyag stong spyan stong gi gdul zhing du gsungs pa ltar/ mkhas pa'i dbang po 'gos lo gzhon nu dpal bas/ thugs rje'i dbang pos byin brlabs gser gyi sa gzhi brdal ba gangs ri'i phreng mdzes khor yug can/ /nyes pa'i gdung bral tshul khrims ma dros las 'ongs 'dus pa'i rgyun dag chad pa med par 'babs/ /bshad dang sgrub pa'i rin chen gyis gang mkhas pa'i rta gdong dag las chos kyi sgra chen sgrogs/ /mtha' dag legs pa'i 'byung gnas gangs can 'di ni rgya mtsho che 'dra mkhas pas bsngags par 'os/ /zhes gsungs pa ltar yon tan rin po che'i tshogs kyis mngon par gang ba'i yul yi