[A:44]dam gyi lha'i byin rlabs rgyud la zhugs pa'i mtshan ma gsal byed du byis pa dag gis kyang / oM ma Ni padme hU~M/ zhes gsungs mchog yi ge drug pa'i sgra rang byung du sgrogs pa/ yul nyi shu rtsa bzhi'i ya gyal/ rgyal bstan rin po che'i srog gnas pas chos tshigs kyis phye ba'i yul dbus/ gangs can nam/ bod du grags pa 'di la/ stod na mnga' ris skor gsum/ smad na mdo khams sgang gsum/ bar na dbus gtsang ru bzhi sogs yod pa las/ gtsang gi g.yas ru/ de la sngon gyi dus na bod dbus gtsang gi cha la/ stong sde bzhi bcu/ stong bu chung bzhi dang bcas pa'i dbye ba mdzad pa'i tshe/ khyung po/ /spa tshab/ langs pa/ 'gos rnams la stong sde gnyis gnyis/ sle bya la stong bu chung gcig dang bcas pa yod pa las/ sle bya'i stong sder gtogs pa/ rgya mtsho zhes bya ba o rgyan chen pos byin gyis brlabs pa'i sgrub gnas sog po 'dzur khung dang ha cang mi ring zhing / 'gro ba'i gdung sel rang byung khrus kyi rdzing bu dang 'dab 'byor ba/ mi rnams dpa' rtsal dang ldan pa/ g.yo sgyu med cing bzod bsran che la blo brtan pa/ gshong zhing dang gam 'brog zung du spyod pas longs spyod che ba/ de lta bu'i yul gyi bye brag lo tsha zhes bya ba ni bdag nyid chen po 'di'i 'khrungs yul yin la/ khyab bdag rdo rje 'chang chen po 'di nyid mi'i zlos gar du bzhengs pa'i gdung rus ni/ bod snga rabs pa'i bshad srol bod yul ma sangs kyis bzung ba'i lo rgyus las bsnyad de bon gyi lugs ltar 'chad na/ rgyal rabs khug pa zhes bya ba'i bstan bcos las/ bod mi rgyud drug tu grol ba ni/ zhes sogs rgya cher bshad pa'i don/ bod mi