[A:47]pa'i lo rgyus kyang snang lags/ gang ltar khyab bdag mgon po bsod nams mchog ldan yan chad rnam thar snga ma rnams su gsal zhing / de'i sku mched la/ 'a zhwa nam mkha' don grub dbang po dang / lcam gcig byung ba nam mkha' don grub dbang po ni yab mes kyi rnam thar kho na lhur mdzad de phyi dpa' mdzangs kyi spyod pas srid kyi 'dzin skyong la mkhas pa/ nang du rim gnyis kyi rnal 'byor la thugs gzhol bas grub pa'i dbang phyug chen po dang / lcam sring ma de'ang 'khor ba'i gnas tshul 'bar ba'i me 'obs ltar gzigs te/ tshe 'di'i bde skyid snyan gsum mchil ma'i thal ba ltar bor nas gsang chen zab mo'i sgrub pa rtse gcig tu mdzad pa'i rang byung gi rnal 'byor ma chen mo zhig yod ces gsungs la/ nam mkha' don grub dbang po'i sras su 'a zhwa mkhyen rab rnam rgyal dang / lcam sring ma mkhyen rab blo ldan gnyis 'khrungs par/ 'a zhwa mkhyen rab rnam rgyal rang byams chen du chos sgor 'jug pa gnang / lcam sring ma'ang chos sgor 'jug bzhed la/ sde pa bkra shis rtse pa'i bdag mor nan gyis zhu ba mdzad par/ bkra shis chos sde'i yon bdag gi rtsa bar song gshis zhal gyis bzhes kyang / slar bkra shis rtse pa blo 'gyur te bdag mo gzhan nas bsus pas/ 'jig rten lugs srol gyi bor rnams tshang ma bzhes pa rnams la gtso bor brten nas bkra shis chos sder dkyil 'khor nyi shu rtsa gsum gyi sgrub mchod 'dzugs par mdzad/ lcam sring ma de nyid kyang dge tshul gyi sdom pa bzhes te bkra shis chos sde'i bla brang rang du gtan chags shing / bzo'i rig byed la thugs rab phul du phyin pa'i phyag rjes kyang mang zhing / bi shwa karma'i