[A:46]rim bzhin rus chen bzhi'am/ mi'u gdung drug tu grags pa'i nang tshan lha rigs 'a zhwa'i rgyal po zhes/ rgyal brgyud gtsang ma zhig rim gyis bod rgyal po'i mnga' 'og tu gyur cing / rje dang gnyen bsres pas dbon zhang du gyur/ rgya bod dbon zhang gnyis bsdum pa'i tshe nang rjer gyur pas dbon 'a zhwa rje zhes rdo ring gi yi ger gsal ba de'i gdung rnam par dag pa las rim gyis byung ba lags/ yang thams cad mkhyen pa mkhyen brtse'i dbang phyug zhabs kyi gsung las/ 'od gsal lhar babs khrel dang ngo tsha phyi thag ldan pa nga / /ngo tsha ches pas dpon skya'i zla la ma chud pad gsung dang / /pha rjes snyogs phyir ngo tsha dam tshig phyi thag gang ring byed/ /legs par brtags na da lta'i che che tshos 'gran pas do ba yang med/ /ngo ma shes na 'a zhA'i rgyal po kho yin pad gsungs dang / /ngo ma shes na gnas gsar stong dpon kho yin pad gsung dang / /zhes 'byung ba ltar/ 'od gsal lha las babs pa'i gtam rgyud ni/ de'ang sngon gyi dus na yul mnga' ris kyi ljongs na spyi la dbang ba'i rgyal po med par glang po che cang shes rgyan gyis spras nas snar bum pa bzang po bcud kyis gang ba thogs te rgyal po 'tshol ba la 'bod par byed do/ /de'i tshe yul khams de nyid 'dul skyong gi dus la babs par mkhyen nas lha'i bu mtshan dang ldan pa zhig mi khrom dmar nag 'khyil pa'i dbus su babs shing / de ma thag glang po cang shes kyis bum pa dbu thog tu bzhag cing rgyal por dbang bskur/ mi'i grib kyis spyan gcig mi gsal bar gyur/ des na nam mkha' las babs shing / spyan gcig mi gsal bas/ mes po nam mkha' spyan gcig tu grags shing / de las rim gyis 'phel ba yin zhes