[A:49]drin chen pos bskyangs shing / lhag don thugs rje chen po'i dmar khrid stsal bas nyams rtogs 'khrungs pa sogs kyi bsngags brjod dang bcas khyim pa'i rdo rje 'dzin pa kho nar nges shes rnyed pa'i thugs mthong mdzad/ rang gi mes po rdo rje 'chang dbang phyug rab brtan/ khyab bdag mgon po bsod nams mchog ldan dang / rgyal dbang thams cad mkhyen pa chen po ngag dbang blo bzang rgya mtsho/ zur khyab bdag chos dbyings rang grol/ zhwa lu mkhan chen rin chen bsod nams mchog grub/ rig 'dzin chen po kun bzang padma phrin las/ bco brgyad chos rje mkhyen rab byams pa ngag dbang lhun grub sogs grub mtha' ris su ma chad pa'i yongs 'dzin rnams las zab rgyas kyi gdams pa rgya cher gsan zhing nyams bzhes la brtson par mdzad/ lan cig skyid smad phyogs nas po ta lar pheb skabs shig dpon g.yog rnams kyi thad du thog babs pa phaT sgra dang bcas sdigs mdzub kyis bzlog par mdzad cing de'i gnas tshul rim gyis snyan du son pas gong zhabs rin po ches 'a zhwa thog rdugs ma zhes thugs gtsigs che/ lhag par zur kun mkhyen chos dbyings rang grol la zhang bka' rgya'i skor yongs su rdzogs par gsan pa las brgyud de/ chos rgyal gter bdag gling pas gsan zhing / de las rgya cher 'phel ba deng sang gi bar du ma nyams par bzhugs pas g.yu brag 'gro ba'i mgon po'i rjes su 'jug pa rnams dad pa'i nyi gzhon gyis bskyod pa'i lag pa'i kun da zum par rigs/ de ltar khyim pa'i rdo rje 'dzin pa chen po de nyid kyi khab tu tshong 'dus dpon sa dang / lha ldan karma shag chen gyi dpon sa 'bal yag gnyis bzhes pa las/ dang po la/