[A:50] sras nam mkha' bsod nams dbang rgyal dang / sras mo gcig bcas 'khrungs/ phyi ma la sras kun dga' bstan pa'i rgyal mtshan dang / zhabs drung nam mkha' don grub rgyal po/ sras mo gcig bcas 'khrungs pa'i/ gcen nam mkha' bsod nams dbang rgyal ni dge slong nam mkha'i snying po'i sprul par grags/ rgyal dbang thams cad mkhyen gzigs ngag dbang blo bzang rgya mtsho'i drung du dge bsnyen gyi sdom pa bzhes shing / slar bsnyen par rdzogs pa'i mtshan ngag dbang blo gsal mchog ldan du gsol/ gzhan yang gsang sngags gsar rnying gi dge ba'i gshes gnyen du ma bsten cing / khyad par kun mkhyen lnga pa chen po dang / zhwa lu mkhan rin po che rin chen bsod nams mchog grub kyi bka' drin las/ gsung ngag slob bshad lung phyag bzhes dang bcas pa/ dmar po skor gsum/ mkha' spyod skor gsum/ bstan srung skor phra zhib dang bcas pa sogs gsang chen kha'u brag rdzong pa'i yab chos rnams bum pa gang byo'i tshul du gsan zhing / bka' brgyad sogs gsang chen rnying ma'i chos skor yang rgya che ba gsan/ bsnyen sgrub yun ring mdzad pas nyams rtogs kyi myu gu gong 'phel du 'khrungs/ bkra shis chos sde'i mkhan chen rdo rje 'chang gi seng khrir zhabs sen bkod de/ gdul bya'i mos blo dang 'tshams pa'i chos kyi 'khor lo bskor zhing / bkra shis chos sde'i bla ma lha khang la gsar bzo dang mtshungs pa'i zhig gso phun sum tshogs par mdzad/ skyabs mgon thams cad mkhyen gzigs ngag dbang blo bzang rgya mtshos chos srid kyi bka' drin mngon par lci bas bskyangs te/ gnas gsar dbon rin po che zhes bkur sti