[A:52]dngul gdung rin po che 'di'i gzungs gzhug la ston pa'i 'phel gdung 'khrul med dang / rje btsun rdo rings pa chen po'i sku chos tshang ma sogs gnas gsar pa'i nang rten thugs gtsigs can du ma bzhugs/ 'chad rtsod rtsom gsum la 'gran zla dang bral zhing gsang chen bstan pa'i srog shing chen por bzhugs pa las/ bstan pa rin po che'i gegs chag bzlog tu med pas sa pho byi ba'i lo bkra shis chos kyi sde chen po'i gnas su zhag bdun gyi bar du thugs dam la bzhugs pa sogs ngo mtshar ba'i ltas phun sum tshogs pa dang bcas te mkha' spyod du gshegs/ rmor chen chos kyi rgyal po gdan drangs te/ sku gdung rin po che zhugs la 'bul ba dang / 'dra sku bzhengs pa sogs dgongs rdzogs rnams zhabs drung nam mkha' don grub rgyal po dang / lcam sring ma rje btsun drung sogs nas bsgrub par mdzad/ lcam sring ma gcig gra nang khul sger sgang nas kyi srid 'dzin du byon/ rje btsun ma kun dga' tshul khrims drung ni thugs mkhyen dpyod nam mkha' ltar yangs pa/ yab mes kyi bka' srung mchod pa sogs thugs dam la brtson pa snying stobs dang ldan pas/ rdo rje 'chang ngag dbang blo gsal mchog ldan dag zhing du gshegs pa'i dgongs rdzogs rnams kyang phal cher 'di nyid kyis thugs 'gan bzhes te mdzad/ khyab bdag mgon po bsod nams mchog ldan gyi thugs dam gzigs dpe rgyal ba'i bka' 'gyur rin po che khyad 'phags byin can sogs grwa tshang du'ang sbyor 'jags rgya cher mdzad/ chos pa bzang por rlom pa rnams kyang 'di'i drung duu bag zhum par 'gyur ba zhig yod snang / dgung lo'ang brgyad cu lhag par bzhugs so/ /de'ang gnas