[A:58]'chang gos dkar can shin tu bag dro ba zhig gis byin rlabs mdzad pa dran te/ su yin mi shes zhes rje nyid kyis gsungs/ dgung lo lnga pa kun 'dzin zhes pa sa pho byi ba'i lo/ /yul du 'brum yams shig byung bar rim gyis mched nas/ yum sras gnyis kas 'brum nad bzhes kyang shin tu yang bas yun mi ring bar dwangs/ yul pa'i 'brum yams kyang chad pas zhabs drung chung ngu 'dis 'brum nad bzhes pas yul pa'i 'brum nad chad ces yul de'i rgan rabs rnams kyis smras par grags/ gzhan yang de lta'i skabs shig gzhon nu 'di'i sku'i phyal yul mi bde ba zhig yod par yum sogs kyis dpal chen bos te/ dam can rdo rje legs pa khog zhugs kyi lung bstan zhus par/ gzhon nu de nga'i gam du khrid shog zer ba dang / de bzhin mdzad pas sku phyal mtshon gyis dpral ba'i rma kha nas bsnyun gzhi thams cad chos skyong des za ba'i tshul byas te/ de nas slar yang na za' bsgron skabs gsol phyu'i thu sne nang ma bltabs tshar ba dang / chos skyong de'i lag par thal ba bskus nas sbar rjes shin tu gsal ba zhig sku phyal gyi rma thad gsol phyu'i steng du brgyabs/ de'i phyir thu sne phyi ma bltabs tshar ba dang sku rags bcings shing lung bstan mang du zhus te/ rma'i rjes mi mngon pa zhig byung zhes kho bo la sa skyar bka' chos gnang skabs gsungs pa 'di ni bstan srung dam can rgya mtshos sku dang grib ma bzhin 'grogs te dngos brgyud kyi sgo nas zhabs tog phrin las gang dgos 'phral du bsgrubs pa'i rtags mtshan ngo mtshar can du snang zhing / sa pho byi ba'i lo 'jam mgon kun dga' bstan pa'i rgyal mtshan zhing khams gzhan du gshegs pas bkra shis chos sde'i mkhan po