[A:57]ma dam pas snyan brgyud kyi bstan pa'i bdag por dgongs gtad ji ltar mdzad pa'i tshul/ rgyal ba'i bstan pa rin po che'i 'byung gnas bsnyen par rdzogs pa'i sdom pas thugs rgyud yongs su gtams shing / lhag pa'i lha'i grangs dang mtshan ma'i bsnyen pa mthar phyin pa'i tshul/ lha dang bcas pa'i 'jig rten pa kun gyi skyabs mgon dam par gyur nas yongs rdzogs bstan pa'i rgyal srid la dbang bsgyur zhing / rgyal bstan ji ltar spel ba'i tshul/ bstan 'dzin gyi slob bu'i tshogs bgrang ba las 'das pa zhig bskrun te 'khor ba ji srid bar phrin las kyi rgyun legs par spel ba'i tshul bshad pa dang lnga yod pa las/ dang po ni/ gang gi sku bstod grub dbang sangs rgyas rgya mtshos mdzad pa las/ sku mdzes pa mtshan dpe kun ldan zhing / gsung zab rgyas chos kyi dgaX' ston 'gyed/ thugs leXgs paX'i lhag bsam 'byungaX ba'i gnaXs/ rje gnas gsar chos rje zhes gsungs pa ltar/ de ltar 'khrungs pa'i gzhon nu de ni sku blta bas chog mi shes pa/ dbu gdugs ltar zlum pa/ dpral ba'i dbyes che zhing shangs gzengs mtho ba sogs mtshan dpe rjes mthun pas spras shing / kun spyod mtha' dag byis pa phal gyi ngang tshul las 'das pa/ legs sbyar gyi skad lta bu'i gsung mi go ba shin tu mang ba/ spyan nam mkha' la gzigs nas yun ring bzhugs pa/ ljags kyi steng na yi ge a'i gzugs shin tu gsal bas khengs pa/ skabs 'gar 'bar 'bur tsam las mi gsal ba/ gsung bye ba tsam nas dbus skad shin tu gsal ba lan kha yar gsung ba zhig yod ces yum mchog dbang mos gsungs/ dgung lo gsum bzhi tsam nas sngags