[A:5]las mgon lnga/ /beg tse dkar bdud phur srung las gshin sogs/ /srung ma'i dbang pos byang chub bar du skyongs/ /dbang chen rig byed tshogs bdag 'dod pa'i rgyal/ /dgos 'dod char 'bebs rnam sras dzam la'i tshogs/ /nor rgyun dbyu gu mched sogs gter bdag gis/ /phyogs las rnam par rgyal ba'i dge legs stsol/ /de ltar rtsa brgyud bla ma yi dam lha/ /chos srung nor lhar bcas la gus btud nas/ /skyabs gnas kun 'dus drin chen rdo rje 'chang / /gnas gsar 'jam mgon legs pa'i mtshan can gyi/ /rnam thar yon tan rgya mtsho'i klong yangs las/ /chu thigs tsam zhig dad pas rab blangs te/ /bdag sogs gdul bya'i bsod nams bgo skal du/ /legs par bshad kyi skal bzang dga' bas nyon/ /zhes phyogs bcu dus gsum gyi bde bar gshegs pa sras dang slob mar bcas pa'i snang brnyan tha dad du bstan kyang / gang thugs ye shes ngo bor ro gcig pa'i yul khyad par can rnams la mchod par brjod pa dang bshad pa dam bcas nas skal bzang spro ba bskyed pa'i tshigs bcad cung zad tsam gyis sngon bsus te gleng bar bya ba ni/ gang gi sku gsung thugs mi zad pa rgyan gyi 'khor lo'i gnas las brtsams te ngo mtshar gyi gtam mthong thos kyi legs byas phra mos kyang rgyal ba thams cad kyi ye shes gzigs pa'i rgyun yid la 'jug par mdzad pa po ni mtshan nyid dang ldan pa'i rdo rje slob dpon nyid yin la/ de lta bu'i yon tan gyi cha shas tsam bsngags pas kyang grangs med pa'i bsod nams dang ye shes kyi tshogs