[A:71]mes zhabs sku gzhon nu gsung mkhyen tsam gyi thugs snang la/ yul phyogs kyi dbyibs kha'u'i chu tshan skor 'dra ba rgya gar gyi yul grong yin zer ba zhig 'dug pa/ de'i sgo nang na yar 'byon dgongs nas cung zad byon pa na lce spyang 'dra ba'i sems can 'jigs su rung ba mjug ma ring la sbom po byas pa gnyis kyis pheb lam bgags nas ma btang ba'i thugs snang shin tu gsal ba de la/ phyis gsung las/ kho bo rgya gar du skye ba len rgyu yin pa la ce spyang 'dra ba'i sems can mjug ma ring po byas pa gnyis kyis lam bgags nas rgya gar phyogs la 'gro ma thub par log pa zhig dran gyin 'dug gsungs pa dang / cha 'dra bas skyes bu dam pa rnams thugs snang gcig pa'i ngo mtshar rtogs brjod kyi gras dang / yang skabs shig tshas sder gnod pa'i gdug pa can zhig la ched gtad kyis zan gtor gru gsum chung ngu zhig bzhengs/ seng gdong ma'i ljags bzlas mdzad de dmigs bya'i phyogs su 'phangs pas/ de'i dbyar byad ma de chus khyer nas tshe'i dus byas so/ /'di ni tshar chen rdo rje 'chang gzhon nu'i tshe 'byung po zhig khyir brdzus nas mtho 'tshams pa na/ byis pa'i 'khor dang bcas gtor bzlog gi lad mo mdzad pas khyi de khrag skyugs nas shi ba dang chos mtshungs pa sogs ngo mtshar ba'i rnam thar du snang ngo / /'di dag gi don bsdu na/ skye 'gro'i rims srung gu rus byin gyis brlabs/ /srung mas las bsgrubs sngon gnas thugs la shar/ /gang gi gdan sar bslabs sbyangs tshegs med mkhyen/ /gnas gsar 'jam mgon gzhon nu'i rol rtsed yin/ /zhes so/ /gnyis pa ni/ rnam thar gsol 'debs zhal gsung ma las/ tshe rabs