[A:72]du mar dge ba'i bshes gnyen mchog /skyabs gnas kun 'dus rmor chen chos kyi rjes/ /gsung ngag chos kyi bang mdzod gnyer gtad pa'i/ /rgyal tshab sems dpa' mchog la snying nas 'dud/ /ces gsungs pa ltar rnam 'dren dam pa 'di nyid ni/ sku na phra'ang sku'i 'khrungs rabs mang por sbyangs pa'i 'bras bu 'gog tu med pa'i mthu las mkhyen pa'i cha shas yongs su gang bas bstan pa'i khur chen 'degs par bzod pa'i stobs yongs su rdzogs pa dang / khyab bdag rdo rje 'chang mgon po bsod nams mchog ldan gyis kyang dgung lo bco lnga'i steng du chos sde'i khri thog tu pheb pa dang dus kyang mtshungs pa sogs rgyu mtshan du mar gzigs te/ de'i phyi lo rnam 'phyang zhes pa sa khyi lor mkhan sa rtsis sprod mdzad de/ rmor chen rdo rje 'chang smon dga' rin chen bsam gtan gling du chibs kyi kha lo bskyod/ de skabs skyabs mgon mchog gi zhabs drung du sum ldan rdo rje 'dzin pa kun dga' dpal 'byor ba'i zhal snga nas kyis/ grwa rgan ne tso'i brtul zhugs la co 'dri ba re gnyis nas g.yo 'phrul du mas bslad pa'i dbang gis gnas tshul de rigs lags na'ang / ji srid byang chub snying po'i bar gyi mgon dang gling du gyur pa ni rtsa ba'i bla ma nyid las gzhan du ma gyur pas/ thugs kyi 'dzin stangs gzhan du gzhol ba sogs gtan nas med pa zhig dgos tshul zhu bar mdzad pas/ bka' las/ tshe 'di'i pha ma la log lta sogs ni ga la byed/ 'on kyang 'di phyi bar do gsum gyi skyid sdug legs nyes thams cad skyabs mgon rdo rje 'chang rmor chen chos kyi rgyal po nyid las gzhan du re ba'i 'dun pa skad cig