[A:73]kyang med ces gsungs pa bzhin/ don la'ang gnas pa kho na yin te/ rmor chen rdo rje 'chang chen pos mkhan sa rtsis sprod gnang nas/ rmor du chibs bsgyur skabs kyi rnam thar las/ dbon rin po che ni bla g.yer mthil na byis pa chung ngu ltar bshums kyin skyel bar pheb byung zhes byung ba ltar ro/ /'di lo skyabs mgon rdo rje 'chang 'di nyid dgung lo bco lnga bzhes par rgyal bstan spyi dang / bye brag rje btsun brtse ba chen po'i ring lugs kyi nying khu/ gsang chen kha'u brag rdzong pa'i bzhed srol/ tshar chen chos kyi rgyal po yab sras kyi bstan pa 'di ni kho bo cag kho nas bzung ste dar zhing rgyas par byas la skal bzang gdul bya'i bung ba rnams/ snyan brgyud padmo'i ze'u 'bru las 'ongs pa'i zab rgyas gdams pa'i sbrang rtsis myos par bya'o dgongs pa'i thugs bskyed rmad du byung bas nye bar drangs te/ gangs can ljongs kyi grub pa'i dbang phyug chen po rnams kyi nang nas mchog tu gyur pa sangs rgyas gnyen ston de nyid phyi dar bstan pa'i srol 'byed chen po mnyam med dI paM kA ra'i sras kyi thu bo/ /'brom dang / khu ston gnyis dag snang skyed par byed pa'i mtshams sbyor mkhan/ yon bdag shAkya mgon po zhes bya ba'i rgyud du sku 'khrungs shing / mkhas btsun bzang gsum mdzom pa'i snyan grags spur rgyal bod kyi ljongs su mngon par gsal bas/ bod shing sgo can gyi rgyal po sne'u gdong gong ma'i ti shrI bkur zhing / mnyam med tshogs sde chen po bzhi'i ya gyal/ tshags mig tshogs pa'i mkhan thog nyer gcig pa mthu stobs dang nus pa'i mnga' bdag /mtshungs