[A:76]grub gling kha'i bar skyabs mgon rgyal ba'i dbang po thams cad mkhyen gzigs chen po'i chibs bsur pheb ste lha ldan du mjal phyag sogs grub nas yar klung du phyags pheb/ 'di lo bdag gi drin chen rtsa ba'i bla ma dam pa yab rje rdo rje 'chang sku mched yum drung sku 'khor dang bcas pa gtso cher rgyal dbang rdo rje 'chang bdun pa chen por mjal phyag legs 'bul mdzad pa dang / dbus lho byang gi gnas rten rnams mjal bar pheb pa dang chab cig rnam 'dren dam pa 'di nyid kyis gdan sa yar klung bkra shis chos sder spyan 'dren mdzad de lugs zung dang 'brel ba'i phu dud bla med bka' drin bskyangs yod pa gor ma chag kyang / de skabs kyi zin bris zhib par ma rnyed/ 'on kyang gnas gsar 'jam mgon gong ma'i thugs dam rten gur mgon 'jim sku chung ngu zhig dang / mgul du khyad mtshar sogs 'bul gnang la yab rje dam pa thugs gtsigs shin tu che bar mdzad/ 'phar ba zhes pa lcags mo glang lor bkra shis chos sde'i 'dus pa'i tshogs dang bcas lhan cig lha ldan du pheb ste/ skyabs mgon rgyal ba'i dbang por sgrol dkar yid bzhin 'khor lo'i tshe chog dang 'brel ba'i sgo nas zhabs brtan rten 'byung gi gsol 'debs mjal 'bul mdzad cing / rim bzhin smon dga' bsam gtan gling du pheb ste/ khyab bdag rdo rje 'chang rmor chen chos kyi rgyal po de nyid zhabs pad brtan pa'i ched du rgyal yum tshe sbyin dbang mo'i thugs dam gnad nas bskul zhing / dngos bshams yid sprul gyi mchod sprin dang chab cig par lung dang rig pa'i lam nas nye bar drangs pas/ zhabs pad brtan par bzhugs dgos pa'i gsol