[A:77]'debs kyang mdzad par/ rje bla ma'ang thugs lhag par mnyes te/ rten cing 'brel bar 'byung ba'i sgo 'phar rang 'grig tu gyur/ lo de'i zla ba lnga pa'i nang du dpal bsam yas lhun gyis grub pa'i gtsug lag chen po'i nye 'dab bu tshal gyi pho brang gong du/ mdo sngags rab 'byams smra ba'i bshes gnyen dam pa khyab bdag bka' 'gyur ba chen po sangs rgyas rgyal mtshan dpal bzang po'i drung nas/ rgyal pa'i bka' 'gyur ro cog gi lung rnam par dag pa gsal dag snyan gsum gyi sgo nas legs par gsan zhing / mdo mang gi lung gsan mtshams su zhabs drung yab nas/ gnas gsar dang karma shag chen gnyis phyir slog gi zhu don rim par mdzad kyang / lhun sdings pa dang / bde chen rab brtan pa sogs kyis rtsod pa byas pas ngal ba 'brel med du gyur pa thugs kyis ma bzod par lha ldan du pheb dgos byung zhing / mgron gnyer sbi chal chi ngag dbang blo bzang nas sne sbyor yang dag gi /gun tshe dbang nor bus ched gnyer mdzad de lha ldan ru bzhi'i rgan po rnams la bdag khungs su yin rtsad gcod dang bcas/ rgya bod kyi mi sna rnams kyis bka' bgros thog nas sa rigs bdag thob gang yin bdag 'dzin mdzad chog pa'i bka' shog stsal te/ bsam yas su phyir pheb/ sngar gyi chos 'phro rnams gsan/ slar yang ge ra'i sde pa rnam rgyal nas gong sa skyabs mgon chen po gser khrir gegs med du pheb pa'i gtam snyan skyel pa'i mi snar gong du 'thon pa'i bdag rkyen du ger phyir slog zhus par/ skyabs mgon dam pa 'di nyid nas lha sar pheb ste/ gun tshe dbang nor bus ched gnyer mdzad pa dang / sde