[A:79]gsol te/ rgyal tshab kyi sras kyi thu bo mchog tu dbang bskur bas/ thams cad mkhyen pa klu'i zhabs kyis/ dbang lam lta khrid cha lag yongs su rdzogs/ /thun bzhi'i dbang dang kha sbyor rlung la 'bad/ /'khor 'das dbyer med lam zab bla mar bshad/ /slob bshad snying la smin par byin gyis rlobs/ /zhes pa'i don mngon du gyur to/ /de dag gi don bsdu na/ gzhon nu'i tshul 'dzin bsam yas yon tan bkra/ /shis pa'i chos sde'i khri chen la bzhugs pa'i/ /spyi dang bye brag bstan 'gro'i srog shing 'di/ /gnas gsar 'jam mgon gong ma'i rgyal tshab yin/ /zhes so/ /gsum pa ni/ de'ang / dpal mgon 'phags pa klu sgrub kyis/ khrims ni rgyu dang mi rgyu'i sa bzhin du/ /yon tan kun gyi gzhi rten lags par gsungs/ /zhes so thar gyi sdom pa bsrungs pas gnas skabs su mngon bar mtho ba'i srid pa rgyun mar thob cing / mthar thug sgrib gnyis bag chags dang bcas pa'i dgra tshogs bcom par med thabs dang bral ba'i phyir/ sum brgya par/ nyon mongs dgra g.yul rgyal byed tshul khrims te/ /dge tshul brtul zhugs chu lon brtsigs pa dang / /'chi ba'i mche ba 'byin par byed pa'i thabs/ /rdzogs pa'i byang chub dpal nod dbang bskur yin/ /zhes dang / 'dul ba sman gyi gzhir/ dge slong dang tshul khrims goms par byas na ting nge 'dzin yun ring du gnas par 'gyur ro/ /ting nge 'dzin goms par byas na shes rab yun ring du gnas par 'gyur ro/ /shes rab bgoms par byas na 'di lta ste/ 'dod chags dang / zhe sdang dang / gti mug las sems yang dag pa kho nar rnam par grol