[A:80]bar 'gyur ro/ /zhes thub gsung brgyad khri bzhi stong rnams snying por dril na sde snod rin po che rnam pa gsum/ de'i nang nas mngon pa dang / mdo sdes bstan pa'i go chod kyang / ston pa'i go mi chod cing / 'dul ba gnyis ka yin pa'i phyir/ slob dpon chos kyi tshogs dpon gyis/ rgyal ba ston pa de yi dam chos dag /mdo dang chos mngon yin gsung 'dul ba ni/ /ston dang bstan bcos dngos yin de yi phyir/ /gnyis 'gyur phyag bya sangs rgyas khyod kyis bzhin/ /zhes gsungs la/ de lta bu'i khyad par 'phags pa'i sdom pa de'ang rnam par ma dpyad pa'i som nyi'i rang bzhin zhig bzhes tshe rgyu 'bras mi 'chol bar chos nyid bcas na 'bras bu'ang de ltar 'byung ba las ma 'das pas nges shes 'drongs ba zhig gal che ba/ bod yul gling dgu'i rgyal khams 'dir bstan pa snga dar la za hor rgyal rigs mkhan chen po dhi sa twas sad mi mi bdun sogs la bstan pa'i rtsa ba so sor thar pa'i sdom rgyun 'dzugs par mdzad pa/ log smon nye bar bdo ste glang dar ma 'u dum btsan gyis bstan pa bsnubs pa'i tshe chu bo ri'i sgom grwa'i dmar g.yo gtsang gsum gyis gsan pas gsang thabs kyis drel rgyab non pa'i 'dul dpe dang bcas mnga' ris nas byang lam brgyud mdo smad rma lung dan tig yang rdzong du bon gyi bu shes rab can sngon las sad de rab tu byung bar bskul bar 'dul 'dzin gsum gyi steng rgya'i hwa shang ke 'bag gnyis kyis kha skong par mdzad nas bsnyen par rdzogs pa'i mtshan dgongs par rab gsal du btags pas/ spa sar gnyis/ ja cog gnyis/ bzhad srags gnyis/ 'al snub gnyis/ zong tshur gnyis sogs mang dag sdom