[A:7]sogs mar khur 'gyur ba bzhin/ /bla ma'i yon tan gzhur la gzung / /skyar mos mtsho las nya len bzhin/ /bla ma'i yon tan rnam par gzung / /zhes pa dang / sangs rgyas dang byang chub sems dpa' ganggA'i klung gi bye ma snyed la skal pa ganggA'i klung gi bye ma snyed du bsnyen bkur ba bas ni/ rdo rje slob dpon gyi ba spu'i bu ga gcig la til mar gyis byugs pas ches khyad par du 'phags so/ /zhes dang / lha sku bye ba stong bsgoms pas/ /bla ma dran pa bsod nams che/ /zhes pa dang / 'phags pa klu sgrub kyi rim pa lnga pa las/ /mchod pa thams cad spangs nas ni/ /bla ma mchod pa yang dag brtsam/ /de mnyes pas ni kun mkhyen pa'i/ /ye shes mchog ni 'thob par 'gyur/ /zhes bya ba la sogs pa mdo rgyud bstan bcos mang po nas dus gsum gyi sangs rgyas thams cad kyi yon tan brjod pa bas/ rdo rje slob dpon gyi yon tan gyi cha shas tsam brjod pa bsod nams che bar gsungs pa yin la/ de'i rgyu mtshan yang / ba tshwa can chu klung gi mdo las/ lnga brgya tha mar gyur pa na/ /nga nyid slob dpon gzugs 'dzin te/ /nga yin snyam du yid byos la/ /de tshe de la gus pa bskyed/ /ces dang / mkha' 'gro ma rdo rje gur gyi rgyud las/ rdo rje sems dpa' lta bu yi/ /de ltar slob dpon gzugs 'dzin te/ /sems can rjes su gzung dmigs nas/ /phal pa'i gzugs su gnas pa'o/ /slob dpon ston pa gyur pa ni/ /sangs rgyas rnams kyis phyag mdzad pas/ /bdag cag rnams kyi