[A:81]bar bkod/ de skabs dbus gtsang du sdom pa 'bogs len dang 'chad nyan sogs kyi rgyun lo bdun cu tsam chad pa'i rjes dbus su mdo smad nas bstan pa cung zad tshugs pa mnga' bdag tshal nas sogs kyis gsan pas cis kyang 'bad pas bstan pa spel bzhed de/ klu mes tshul shes/ 'bring ye ston/ sga tshul blo/ rag tshul 'byung / sum pa ye blo lngar mthun rkyen dang bcas pa'i brdzang ba/ gtsang gi btsad po rnams kyis kyang thos nas lo ston tshong btsun/ mnga' ris pa gnyis/ bo dong pa ste dbus gtsang gi mi bcus bla chen por bsnyen par rdzogs pa las mched pa ka bzhi/ gdung drug dang / lo tsho/ tshong tsho sogs mang du dar/ 'a zhwa ye g.yung gi chab gtor ma dang / 'bre'i der bsam gnyis kyi rgyun kyang gtsang phyogs su mang po 'phel/ klu mes kyi slob ma gzus la bu chen bzhi byung ba'i/ phyi ma gsum dang / rgya 'dul dbang tshul gyis rgya cher spel bar snga phyi bar tshar sogs shin tu mang / bstan pa phyi dar la lo chen rin bzang sogs snga rabs pa'i 'dul 'dzin sdom rgyun der brten pa dang / lha bla ma ye shes 'od kyi dus/ 'phags yul shar phyogs kyi paN chen dharmA pA la'i slob ma pA la rnam gsum las kyang mang du 'phel ba stod 'dul bar grags/ ma pham pa'i rnam sprul khro phu lo tsA ba byams pa'i dpal gyis dka' ba brgya phrag khyad du bsad nas kha che'i bsod snyoms pa paN chen shAkya shrI gangs can bsod nams gsog pa'i mgron du spyan drangs te chu shul srog ma dgon par nyin gcig la sgrub grwa gsum dang mi gnyis bsnyen par rdzogs pa'i nang nas gro shul ba khed gad byang chub dpal dang / gtsang pa