[A:82]rdo rje dpal gnyis mkhan bu'i gtso bor gyur te bod mun gling du 'dul bstan nyi ma ltar shar bas khyab cing khyad par sa paNDi ta kun dga' rgyal mtshan/ srid gsum 'gro ba'i mgon po chos rgyal 'phags pa/ dpal ldan bla ma dam pa bsod nams rgyal mtshan/ shes bya kun mkhyen bu ston zhabs/ rgyal ba'i sras po thogs med bzang po dpal/ ngor chen kun dga' bzang po sogs skyes chen dam pa de dag gis 'dul bstan gyi rgyal mtshan phyogs thams cad du 'dzugs par mdzad la/ bla chen sdom rgyun bka' gdams sogs phal mo ches phyag len la 'debs par mdzad pa dag min gyi/ skur pa btab na chos spong gi sgrib par mi 'gyur ram snyam spros pa bskyungs mod/ gzhan du na bla chen pos bsnyen rdzogs mdzad dus kha skong gi rgya ban gnyis sprul pa yin min the tshom pa'i sgros rnying dang chab pas sogs kyis kyang sbags ma sbags mngon shes kyis dpyod dka' zhing / 'dir ni de rnams kyi skyon dris ma spags shing mchog tu gyur pa kha che'i paNDi ta chen po de nyid las gangs can mkhas pa'i dbang po sa skya paNDi ta chen pos sdom rgyun bzhes par mdzad de spel ba'i rgyun bar skabs su cung zad nyag phra bar gyur pa na/ thams cad mkhyen pa mang thos klu sgrub rgya mtshos bstan pa'i rgyun la gcig tu dgongs pa'i sdom rgyun bzhes 'dun yod skabs/ byang bdag nam mkha' tshe dbang rdo rjes/ lu phu'i sgrub chen mkhyen yangs shig la sdom rgyun long gsungs pa'i zhal ta pheb nas/ de bzhin legs min phyogs las rnam rgyal la bka' 'dri zhus pas/ rang re gnyis char byas chog gsungs nas/ mkhan po lu phu ba sangs rgyas 'od