[A:83]zer gyis mdzad/ gzhan dge slong kha shas dang bcas blon po chu tshan khar gur gyi nang du bsnyen par rdzogs/ mdo rtsa las/ blangs pa la slar blangs pa med pa'i phyir ro zhes gsungs pas/ sngar bzang bkras la dge slong gi sdom pa gsan pa de phul/ lcags thang pa la dge tshul dge bsnyen gyi sdom pa gsan pa de ma phul/ de'i tshe slob dpon dang gsang ston 'os 'gyur zhig ma rnyed pas/ sangs rgyas 'od zer bas mkhan slob gnyis char mdzad/ gzhan dge slong gtsang ma gsum dang bcas bzhi'i dbus su bsnyen par rdzogs/ mkhan slob cig car ba 'di la bu ston rin po ches/ mkhan slob gcig gis byed pa 'di bod gyi 'dul 'dzin rnams la ni snang / gzhung na bshad pa ni ma mthong gsungs pa de thugs mad/ 'dul ba'i lung la bshad tshod yod kyang lag len med pa dang / lag len yod kyang bshad tshod med pa'i dmigs bsal mang bas de'i rnam dbye phye dgos/ yang kha cig dge slong bzhis bsnyen rdzogs mi rung gsung pa ni/ tshig le las/ gal te bzhi ni las brjod mkhas/ /tshul khrims ldan par gyur na ni/ /bsnyen rdzogs ma smad gyur pa ste/ /lha yis kyang ni phyag byar 'os/ /zhes pa 'di ma gzigs par zad/ /yang kha cig /bzhi'i steng du las rjod mkhan bsnan pas lnga tshang dgos zer nas 'bru skyog byed kyang / gal te bzhi dang las rjod mkhan/ zer pa yod na bden mod/ gal te bzhi ni las brjod mkhas/ /zhes pas tshig nus la 'bru skyog de mi 'gro/ mdor na gsang ston yod na/ gsang ston bskor ba'i las dgos/ bskor ba'i