[A:87]tshang gi slob dpon phun tshogs legs ldan gyis kha skong sogs mdzad de dad pa'i dge 'dun grangs tshang ba'i dbus su/ tshigs gsum rim gyis nos te bsnyen par rdzogs pa dge slong gi dngos po mngon du mdzad/ brje ba gnyis brjes pa'i mtshan brje ba'i skabs/ sngar gyi mtshan gyi steng du ngag dbang dang theg mchog dbang gi rgyal po zhes mtshan gsol bar mdzad de/ rgyal bstan rin po che'i sgor zhugs la yongs su rdzogs pas ngur smin 'dzin pa kun gyi gtsug gi rgyan bla na med par gyur to/ /dus de nyid nas bzung ste/ ltung ba sde lnga gnyen po'i khrims nyis brgya lnga bcu char gtogs dang bcas pa la spyan gyi 'bras bu ltar gces spras su mdzad de nyes pa'i dri ma phra mos kyang ma gos pa lags so/ /de nas rang gi bsti gnas bkra shis dang dge ba'i mtshan ma du mas phyug pa gang der zhabs zung bkod de/ gsol 'debs zhal gsung ma las/ rim gnyis bsgom pa'i bsnyen sgrub bzlas brjod sogs/ /dad mos spro bas nyin mtshan dbyer med par/ /rtag par gzhan gyi don la rab brtson pa/ /rgya chen sems bskyed 'gro ba'i mgon la 'dud/ /ces gsungs pa ltar/ dpal kye rdo rje'i gzhi'i ljags bsnyen kha skong gi sbyin sreg dang bcas pa gnang skabs mkha' 'gros brda thabs dang yi ge sogs kyis rmi lam bzung ba'i grogs yang yang byas gsung / ji ltar lags zhus pas/ nub cig chos sde'i rdo gcal du a ma skad lhang lhang 'dug par nyan pas rmi lam rmi lam zer yang bsam mno gtong dgos shig yod snyam mam/ med lo ger snang ba las ngos zin pa ni ma byung / yang