[A:86]gsum du khyab ste sa skya paNDi ta'i bsnyen rdzogs kyi sdom rgyun rgya cher 'phel ba yin la/ zhes bshad pa ltar/ rgyal dbang thams cad mkhyen pa chen pos bsregs bcad bdar ba'i gser bzhin du legs par dpyad pas thugs nges 'drongs te dar rgyas su mdzad pa'i rgyun rnam par dag pa 'di nyid mchog tu gyur pas blang byar dgongs te/ legs sbyar skad du shuu bha kri ta/ shar phyogs ma hA tsi nar zhin yin zhes 'bod cing / stod 'grel bod yul gyi skad du dge byed/ dbang thang dang bstun pa'i ming chu pho stag gi lo'i mnyam med yang dag par rdzogs pa'i sangs rgyas shAkya'i dbang pos chos rgyal zla ba bzang por dang po'i sangs rgyas dus kyi 'khor lo'i rtsa rgyud gsungs pa'i dus chen/ chu shel dbang po nag pa'i dga' ma dang rtse ba'i gral tshes phun sum tshogs pa'i nyin/ bod yul gyi rdo rje gdan chen po dpal bsam yas lhun gyis grub pa'i gtsug lag khang gi nye 'dabs su/ yongs rdzogs bstan pa rin po che'i mnga' bdag /rig grol gyi yon tan du ma'i rgyan gyis nye bar mdzes pa/ bdag cag gi ston pa dang rnam dbyer ma mchis pa/ don gyi slad du mtshan nas brjod na ngag dbang kun dga' lhun grub bstan pa'i rgyal mtshan dpal bzang po'i zhal snga nas kyis mkhan po/ mdo sngags rgya mtsho'i pha rol tu son zhing las kyi cho ga la mkhas pa khyab bdag bka' 'gyur ba chen po sangs rgyas rgyal mtshan gyis las kyi slob dpon/ nyes ltung dri ma'i chu 'dzin las grol ba'i sdom brtson chen po tshul khrims rgya mtshos gsang ste ston pa/ dol chos 'khor gnas kyi slob dpon 'dul ba 'dzin pa kun dga' nor bus dus bsgo ba/ gnas brtan chen po phreng sgo gzhi pa grwa