[A:༦༧༤]འབྲེལ་གང་ཡིན་མངོན་དུ་འགྱུར་རོ་གསུངས་ནས་དུས་མཆོད་བླ་བྲང་གདུང་རབས་སྒེར་ལ་གསོལ་འདེབས་ཀྱང་བཀའ་རྩོམ་དང༌། དེར་ལྷ་བསངས། རྡོ་རྗེ་ཕག་མོར་ཚེ་དཔག་ལྷ་དགུ་དང་བྱིངས་ལ་ཁྲོམ་དབང༌། གཞན་ཡང་ཕག་མོར་ལྷ་བརྒྱད་དང་ཞལ་བསྙེན་དུས་རྗེས་གནང་དང༌། ཚུར་ཡང་ཆོས་བཀའ་ཕྲན་བུ་གསན། དེ་ནས་སྣ་དཀར་རྩེའི་མགོན་ཁང་དུ་གསུང་བསྐང་དང༌། མི་སྡེ་སྤྱིས་ཞུས་གཏོར་འཛུགས་ཀྱང་གནང་ནས་སྲིན་ལག་ཏུ་བཞུགས། སང་ཉིན་ཁ་རོ་ལར་ལྷ་བསངས་དང་གནོད་སྦྱིན་རྣམ་གཉིས་གསོལ་མཆོད་བཅས་མཛད་ཅིང་ར་ལུང་ཆུ་མདོའི་རྒྱ་མོན་ཁར་བཞུགས་ནས་ར་ལུང་གནས་གཟིགས་དང་སྣེ་བཞིར་ཕེབས། ཨཽ་རྒྱན་ཡང་ཟབ་གླིང་དུ་ཀྱེ་རྡོར་རབ་གནས་དང༌། ཁོང་དཔོན་གཡོག་ལ་ཕག་མོ་སྐོར་གསུམ་གྱི་བྱིན་རླབས་རྗེས་གནང་དང༌། འདོད་རྒྱལ་རྗེས་གནང་ཡང་སྩལ་ཞིང༌། ཚུར་ཡང་ཆོས་བཀའ་ཕྲན་བུ་གསན། དེ་ནས་རྒྱལ་རྩེ་གུར་པར་ལྷ་བསངས། རྟ་མགྲིན་ཡང་གསང༌། ཕུར་དབང་གྲངས་མང༌། ཁྲོམ་དབང༌། རྗེས་གནང་དང་ལུང་ཕོན་ཆེན། རྫོང་རྩེར་ལྷ་བསངས། བརྩེ་ཆེན་མགོན་ཁང་དུ་གསུང་བསྐང༌། འཆམས་གཟིགས་གནས་གཟིགས་སོགས་སྤྱི་བྱེའི་མཛད་སྒོ་རྣམས་གྲུབ་ནས། བརྩེ་ཆེན་གནས་གཟིགས་དང༌། འབྲོང་རྩེར་ལྷ་བསངས། བྱད་འགྲོལ། སེངྒེ་གདོན་འགྲོལ། འཇམ་དབྱངས་དམར་སེར་དང༌། ལྷ་ཆེན་སྲོག་གཏད། ཆབ་ཀླུ། གུར་དྲག་དང་ཚེ་དབང༌། ཁྲོམ་དབང༌། རབ་གནས་སོགས་རེ་སྐོང་རྣམས་ཚར་ཕྱིན་ནས་གནས་གསར་རྒྱལ་ཁང་བརྒྱུད། འབྲས་ཁུད་དུ་སྨེ་བརྩེགས་ཀྱི་ཁྲུས་གནང་ནས་སྐྱིད་སྦུག་ཏུ་ཕེབས་ཏེ་ཕྱག་ནས་དང༌། སང་ཉིན་ནས་སྐྱིན་མཁར་ཆབ་བདུགས་ཞག་ལྔ། དེ་ནས་བར་ཚོར་ལྷ་བསངས། ཀུ་རུ་ཀུལླེ་ལྷ་ལྔའི་དབང༌། ཁྲོམ་དབང༌། མངོན་དགའ་གནས་གཟིགས་དང༌། རབ་གནས། འབྱུང་འདུལ་རྗེས་གནང་སོགས་མཛད་ནས། བདེ་བ་ཅན་དུ་ཀྱེ་རྡོར་རྒྱུ་དབང་ཚར་བཞི། ཁྲོམ་དབང་རྗེས་གནང་སོགས་