[A:407]sku mched rnams gzim skyil gsar pa las 'phos te rje nyid rtse'i sku yon khang dang / a lce drung sku mched gzim shar rgyal yum dang zhal rgyas skabs mchog dman mtha' dag yab rje rdo rje 'chang rgyun sku gcong che ba'i stabs da lam ci 'dra yong ngam snyam ci bya gtol med du gyur pa'i ngang nas/ rje nyid kyis mtshon zhal ngo rnams dang phyag gnyer chos sde lho byang drung ser skya cha zhabs khams drung sogs nas rang rang gi 'byor tshogs dang chabs gcig rten 'brel gyi gnad dang ldan pa'i zhabs brtan rdo rje'i re khA can/ sngon 'jam mgon sa skya paNDi ta chen pos gang gi yab dpal chen 'od po dang / bu ston rin po ches grub dbang zla seng la phul ba sogs kyi rgyun bzang dang zang zing gi dngos po phongs med du spungs te spyi bye brag gi rim gro bsgrub pa dang / lhag par mdzod 'dzin nas zhabs pad yun ring du bstan pa'i zhal bzhes zhus skabs/ ngos la 'brum nad kyis skyon mi yong sems las mi dgos phebs pa bzhin yab mes gong ma'i rnam thar ltar gyi lha 'brum dkar po bzhes te zhag bcu skor la sangs dengs kyis/ gzhi thog dbang khang theg chen rin po che'i bzhugs khri'i steng nas rje rdo rje 'chang chen po sku mched lnga sogs skal ldan gyi slob bu bco lnga tsam la/ rnal 'byor dbang phyug birWa pa'i bzhed gzhung / yongs rdzogs bstan pa rin po che'i nyams len/ gsung ngag rin po chen lam 'bras bu dang bcas pa tshogs bshad smin grol cha lag dang bcas pa gnang ba gsan pa'i mgo tshugs te/ snang gsum rgyab chos su bla ma rgya bod/ gong ma lnga/ tshogs nyan/ dkar brag /zhang brag /dpal tshul/ buddha shrIH ngor chen/ mus chen/ kun mkhyen rnams kyi rnam thar/ gsung ngag khog phub legs bshad 'dus pa'i rgya mtsho/ sa skya bka' 'bum lung 'phros gang 'gro/