[A:408] sems bskyed chen mo/ slob ma rjes 'dzin/ zhal gso'i ljags bsnyen rnams snron zla'i tshes dgu'i bar la gnang skabs su'ang yab rje rtsa ba'i bla ma dam pa la sngar dang ye mi 'dra ba'i thugs dad bcos min du rje rdo rje 'chang chen po la 'khrungs pa ni gzhung nas gsungs pa bzhin gyi bla ma'i byin rlabs thugs rgyud la zhugs pa ni dam pa'i rnam thar du gor ma bkum/ de lo'i bsam brling lha mo mchod la rje rdo rje 'chang a lce drung sku mched bcas phebs/ de tsam nas bzung rje nyid skabs 'ga' ma gtogs lha mchod la phebs pa ni rnam pa kun tu'o/ /de mtshams nas 'di khul la nad de je cher mched pas yab rje mchog nas gsung chos 'phro shol mdzad de thub bstan skyong ba'i mel tshe chen po rnams la phrin 'chol dang / zhal ngo rnams la 'jam nag /khyung khra nag /rta mgrin skyer sgang / rnam 'joms/ sme dud sogs kyi rjes gnang dang / brgya bzhi/ ma mdos/ glud rdzong rigs la thugs 'grus dang / ljags chu/ bsrung ba/ rim gro'i zhal bkod rnams bka' drin che skabs gzhung zhabs rin po che nas mda' dpon pad lcang lha rdzong sku tshab sogs mngags pas 'o brgyal rma thog shu brtsegs kyi rjes su snyeg pa lta bu dang / rim gyis don dam rdo rje lta bu'i sku mchog brnyes su zin pa'i rje rdo rje 'dzin chen pos kyang kun rdzob ltar snang dang bstun par mdzad de snyun bab lci bar bzhes rung / spyi bye brag gi bsod nams kyi mchod sdong chen por 'gyur med rdo rje gsum gyi rang bzhin du mdzad pa'i sku drin yang bskal par gzhal ba'i go skabs dang bral/ de lo'i gro bzhin badzra kI la ya'i sgrub mchod kyang dbu rtse rnying mar tshugs shing rtsa 'chams nang du mdzad nas brub 'chams sa tshogs su mdzad chog dang / nad thag phal cher khrums zla'i nang chod nas sgo rum steng 'og sogs su gtang rag mdzad de zla sked tsam la zhal