[A:410]tshan/ spyi stab srid zhi dpal 'byor ma sogs bskang skor/ chos spyod rab gsal lha mthil par mar bzhugs dang ma bzhugs kha shas/ bstan pa gso chog mangga'i mtshan gyi gsung sogs ljags lung phon che ba dang / gsung ngag cha lag lam zab phyi nang/ bir bsrung phyi nang/ bla ma rin 'byung / tshar gsum khugs pa rnams kyi byin rlabs bcas zla gsum tsam gyi ring chos char bdud rtsi'i zil dngar 'bebs par mdzad pa'i rgyu lam dbang gi bka' sgrub sogs kyi skabs rje rdo rje 'chang nyid kyis kyang zhal rgyas mdzad pa lags/ de skabs kyi bar seng rnams la yab rje mchog dang / dbu byed ye shes rgyal mtshan/ brtson 'grus ye shes sogs las bde kye gsang gsum sogs gdan sa chen por bzhugs pa'i cho ga phyag len dbyangs rol sogs gsan sbyangs mtha' chod pa bka' drin bskyangs/ smin zla tsam la nad khrun yongs rdzogs chod nas mgo zla'i bde mchog sgrub mchod dang dus mdos sogs rje rdo rje 'chang nyid kyi thugs 'gan bzhes shing / dus mdos kyi nyer gsum nyin gang gi yab rje dam pa nyid 'chams sku rnams la snyan shal 'bul bar phebs nas gral gsham du tshogs phyag mdzad pa'i tshe/ rje rdo rje 'chang nyid bzhugs khri'i steng mi tshugs pa lta bu'i 'tsher nyams byung zhes bka' stsal to/ /de dag gi don bsdu na/ dmar ser dhIHyig spro bsdu'i ngang mo yis/ /skal ldan yid kyi chu bya'i sna drangs nas/ /mtha' bral mkhyen rab chu gter chen po'i ngogs/ /rab tu sbyar 'di chos sgo gsum par nges/ /phyi nang rkyen gyis mi brdzi rdo rje'i skur/ /col chung tsher ma'i ming gi pho nya des/ /bag ma phyir bsnyags la 'dod 'bras sbyin pa'i sgo/ /phyi phral skyengs te mi mngon dbyings su dengs/ /mngon gyur sa la dbang ba'i bi rU'i gzhung / /DA ki'i zhal rlangs 'thul ba'i cha lag bcas/ /chos kyi 'khor lo'i mdzod du