[A:411]nyer bzung nas/ /mkhas mang dbus su rdo rje'i khri la 'gyings/ /zhes kyang smras so// // ! dgung grangs bcu gsum du phebs pa lcags bya rta zla'i nang yab rje mchog nas dgung keg rkyen sel la dmigs sgo rum du tshe sgrub bcad rgya dang / slar pho brang du byon skabs rje rdo rje 'chang sogs nas rtags rten 'brel bzang min zhu gnang gi phyir phebs su/ ltas kyang bzang bar rang ma byung / bzlas pa 'gro chung / bse mgon bzhugs khyim du bas 'grib pa lta bus mi mthong / yab rje de nyid yang yang rmi ltas su phebs pa zhig byung gdung spun rang la gsung ngag slob bshad 'di phral du 'phrod re byed ces yang yang gsungs pas rje nyid kyi thugs la skyo snang drag po zhig 'khrungs/ nag zla'i mjug tsam la gzim shar mgon khang du yab sras zhal rgyas nas pu tra'i mdos zor sgrub gnang gis phyir 'phen mdzad/ sa ga'i ril sgrub la rje nyid la'ang phebs shig pa gnang yang gsang 'dus sgrub mchod la thog mar phebs rgyu dang thug pas dgongs zhu mdzad/ snron zla'i lha mo mchod la yab rje nyid ma phebs na legs tshul zhu bar mdzad pas/ 'di lo cis kyang 'gro slar mi shes gsungs nas phebs pas rtsa skyed kyi thad tsam du rgyu mtshan med par thugs la skyo shas drag po 'khrungs byung zhes rje rdo rje 'chang nyid la bka' stsal/ de nas mangga'i mtshan can gyi yig steng nas grub thob tshe dbang zhig stsal ba rje nyid kyis kyang gsan/ tshes dgu nas bzung yab rje rdo rje 'chang nyid la 'di yin med pa'i snyun gzhi sku shed nyams stobs che zhing gsol dang je zhan du 'gro ba las snyun zug sogs cher med pa zhig bzhes skabs/ gsol sman sku rim sogs 'thud shol med pa dang / lhag par mkha' 'gro bsun bzlog yang yang / gzhan yang gang 'tshams kyi mdzad sgo rnams rje rdo rje 'chang nyid kyi dbu g.yas tshang mas bka' drin che mur dang