[A:415]'doms nas/ zla ba de'i tshes mgor mgon khang khag bzhir phrin bcol sngon 'gro'i yab rje'i bsti gnas phun tshogs 'chi med rdo rje'i gur khang du/ rje rdo rje 'chang nyid dpal kye rdo rje'i gzhi bsnyen la bzhugs stan 'jags pa ste 'di ni gzhi bsnyen thog ma'i skabs so/ /smin zla'i nang thar rtse rdo rje 'chang gis tshoms dmar du sbur bzhu mdzad pa'i nub mo rje rdo rje 'chang nyid la bla mas rjes bzung gi mtshan ma 'di ltar 'khrungs te/ ser khang steng gi nam mkhar nyi zla'i 'og tsam na 'ja' sprin dmar po'i dbus su yab rje de nyid sku mdangs dmar zhing sngags chas sku bem dmar po dang sa zhu bzhes shing / g.yon skyabs sbyin g.yas gos dmar la lam zab bir bsrung sogs kyi phyag dpe yin dgongs pa zhig gril nas/ sku 'khris kyi nye gnas brgyud rje rdo rje 'chang nyid la stsal nyams can bzhugs pa la/ bzhugs g.yab g.yam skyor shar 'khris na'ang yab rje de nyid bzhengs nas nam mkha' bzhugs pa'i yab rje rang gi sku la bshad pa mdzad pa zhig 'khrungs pa ni/ dus phyis rje rdo rje 'chang nyid rje btsun sa skya pa'i gser chos kyis mtshon snyigs ma'i dus 'dir yongs rdzogs bstan pa rin po che'i mnga' bdag mdzad pa la sgrun zlas dben par 'byung zhing / skyabs gnas kun 'dus yab rje rdo rje 'chang nyid kyis rnam kun rjes su 'dzin pa'i brda yang dag par gdon mi za zhing / de dus spur sgam nas gdung rus phran bu zhig rje nyid la byon pa ni/ phyis su gdung 'dzin gyi go sar bzhugs dgos kyi brdar ngos 'dzin mdzad cing de nas gdung rus rnams 'gad gtsang btul nas sAtstsha dang bla ma yi dam sogs kyi sku par grangs mang gser mtshal sogs kyis bsgyur ba rnams phyi rten/ nang rten/ dbu gser 'dra sku sgros gtsang / dus mchod thub dbang gnas brtan 'jim sku sogs kyi gzungs