[A:420]rdo rje 'chang chen po nyid sku 'khor dang bcas/ 'dzam gling rten gyi gtso bo jo zhal rnam gnyis sogs dbus gtsang gi rten grags che rnams la mchod cing bsnyen bkur ba dang / ris med rgyal bstan rin po che dar rgyas yun brtan thugs smon gyi mtshams sbyor/ 'phags mchog phyag na padma'i sgyu 'phrul rol gar 'chang ba rgyal ba'i dbang po mchog /mahA paNDi ta thams cad mkhyen gzigs chen po sogs la mjal phyag legs skyes bstar ba sogs kyi ched du/ gdan sa chen po dpal ldan sa skya nas chibs kyi kha lo bsgyur te bkra shis dar rgyas kyi maNDal du gsol tsha/ dgon rgyas su bzhugs zhag /de nas rim gyis lcang gshongs/ lcags ri dang rtse na kha sogs su bzhugs zhag gis bsam grub sbug tu bla brang mchog nas gzim gur/ bzhugs khri/ gnam rgyan sogs sngon 'gro'i thabs bsur mgron gnyer bgres pa/ gsol dpon chen mo/ dpon tshang chen mo sogs kyis mtshon drung 'khor 'ga' zhig dang / gzhis rdzong mi sna sogs kyis chibs bsus gsol ston zur gsos rnams legs paradagyes bzhes dang / de nas thams cad mkhyen gzigs chen po'i sku'i gan du phebs skabs de zhabs kyi mdzod 'dzin chen po sku 'khor nas phyag mdzod 'gag tu bkra shis pa'i lha'i reg bya phul nas phyag gser gyi 'khor lo dbu gtsug tu bzhes/ rim gyi ma hA paNDi ta chen po'i sku mdun du mjal dar rtse sprod bka' drin che nas mchog gi sprul pa'i sku rin po cher khri 'bul du/ tshan pa so so'i 'gor bkra shis pa'i mdzod btags kyis jeng drangs/ dngul srang lnga bcu yod pa'i thum gnyis/ gos rgyan bzhi sprin ris yug /pho rta bzang ba/ tsan dan dmar po dum/ ljon lo 'khor drug bzhi/ 'bru dkar ltang gnyis rnams so sos gtsos pa'i tshan pa bcu gcig /gtsos med kyi tshan pa bcu gnyis rnams gser