[A:419]la ni rnam pa kun tu mi dgyes pas/ 'dir yang rdo rje'i gsung de nyid tsi ttar bcangs te bgyis pa'i khul du lags/ de nas khong dpon g.yog sogs la kye rdo rje man ngag lugs kyi dbang chen 'ga' dang / grub thob dang ras chung pa'i tshe dbang sku dngos rnams la sgo rum ye shes mgon po'i sku drung du gur lha brgyad kyi rjes gnang dang sgrags bka' bsgo sogs thugs 'dod kyi re ba yongs su chos kyi sgo nas khengs par mdzad/ de nas dad pa'i rtsa ba brtan po dang ldan na mthong thos dran reg kun don ldan du 'gyur ba'i dri gtsang khang rnams su mchod 'bul gnas gzigs bsngo smon sogs yang dag pas mtshams sbyor rnams mdzad rjes gdan sa nas 'thon nye'i phebs phyag sogs lugs zung gi bdag rkyen yang dag pa stsal nas/ bla ma gong ma rnams kyi phyag len phra mo tshun chad mi nyams dar rgyas su mdzad pa'i dam bca' thugs kyi dpal ber dam du bzung ste/ bde kye gsang gsum/ bdag med ma/ mkha' spyod ma sogs gdan sa chen po'i tshugs sgrub mchod rnams kyi rdo rje slob dpon nar mar bka' drin che ba'i bar mtshams rnams su dbang bskur/ rjes gnang / lung sogs/ chos 'chad kyis dus 'da' bzhin pa nas/ sa zla stobs kyi mgon po rnal 'byor dbang phyug gi dus chen dang bstun rgyun gyi bza' ba'i dam tshig bdud rtsi ril bu sgrub pa'i sngon du kye rdo rje'i ljags bsnyen kha gso bdun phrag dang / chig sgrub thog mar gnang skabs phye ma dang / de nas ril bu 'phel che ba/ mdog legs pa/ ro bro ba sogs myong grol bdud rtsi ril bu zhes mtshan snyan dang ldan pa bskrun te kun ngo mtshar gyi dpal la 'god par mdzad/ dbyug zla'i yar tshes dge bar mgon khang rnams su phrin 'chol mthar phyin gyis bcu bzhi 'khon dkon mchog rgyal po dang rje btsun brtse ba chen po'i dus chen gnyis 'dzom thog rje