[A:423]zhing / smin zla'i tshes gsum nyin gzim chung nyi 'od 'khyil par rgyal dbang thams cad mkhyen gzigs mchog gi mjal phyag la rje rdo rje 'chang nyid kyis phyag 'bul mdzad pa dang bstun rgyal ba'i dbang po mchog kyang gser khrir sku bzhengs kyis phyag len mjal dar phan tshun 'bul gnang / dbu thug sogs kyis dbug dbyung gzengs bstod dang / gsol ja'i skabs phan tshun mnyes gshin pa'i bka' gsang rmad du byung bas dus 'das rjes/ mgron khang du dkar spro'i thog /rtse drung thugs dad can rnams kyi re skong dang / tshes dgur legs skyes rten 'byung bstar bar mdzad pa'i sngon du 'gro ba maNDal gyi tshom bu/ mi shigs rdo rje'i re khA can gyis bzhugs stan/ sku gsung thugs kyi rten rnams dang bcas gang gi spyan sngar 'khod de maNDal 'bul ba/ 'gro la bde skyid ma sogs kyi gsol 'debs/ zhal bzhes zhu ba rnams bka' drin che 'phral 'bul tshan bcu phrag lnga dang nyag ma lngas lhag pa la gtsos yod nyer gcig /de phyin gtsos med rnams mchod yon zhal rgyas kyi legs lam bslu med rten 'brel gyi bdog pa brda mtshon tsam du phul bar rnam kun don yod kyi rjes 'dzin mkhyen pa'i mtha' 'doms dang bcas mdzad sbyor gyi thog /lha ldan gyi yul gru mtha' dag 'ja' dang rmugs pas gang zhing / dgung g.ya' dag pa/ nyi ma'i 'od zer mngon par 'bar ba/ bar snang thams cad du me tog gi char pa bu yug tu 'tshubs par 'dug ces lha ldan skye dgu phal cher nas gleng mor bsgrags par gyur to/ /gnas de'i jo shAka rnam gnyis kyi dbus 'phrul snang gandho la chen po'i rten ji snyed pa'i spyan sngar/ stong mchod rgyas 'bring bsdus gsum de bas nang bzhin gyi 'bring po'i mchod 'bul snyan shal/ rgyal bstan de 'dzin ris su ma phyed pa dar rgyas yun brtan thugs smon gyi mtshams sbyor sogs