[A:424]dang / bcu gnyis la mi'i dbang por legs 'bul gyi snga rol du mi dbang yab sras/ dA las yab sras sogs drag bsdus rnams la bla ma zhi khro'i tshe dbang sogs thugs 'dod bzhin stsal rjes legs skyes rnams brims shing / gong smos bzhin de skabs gdan sa chen po rtse gdong rten brten par bcas rje rdo rje 'chang nyid kyi phyag tu nor bdag po'i tshul gyis son par gyur to/ /de nas ra mo cher mchod 'bul sogs gong bzhin dang / bcu gsum la ri bo gru 'dzin du chibs bskyod de jo bo lo ki shwa ra/ gser gdung chen po zhal rnam gnyis kyi dbus rten ji snyed par mchod 'bul dang / bcu drug la rnam gser brgyud gsang ne'u thog tshogs khang gsar bzhengs la phyag nas/ sgrol ma rtsod rgyal/ rnam snang gangs can/ gdung rten nga long ma sogs la mchod 'bul rgya che/ 'dus sder bsnyen bkur/ rnam gser du khrom dbang / 'jam dbyangs dmar ser dang 'byung 'dul rjes gnang sogs stsal zhing / de skabs kyang gong lha sa'i ltas dang mtshungs pa byung zhes bla grwa kun ngoms bzhin du gleng mo 'khrol bar grags/ de nas lha ldan du zhi ba lha dang drung 'khor 'ga' zhig la sgrol dkar spyan bdun ma'i rjes gnang tshe dbang sogs dang / spyi sger gyi re ba mtha' dag nye bar skong bar mdzad/ de skabs gong ma'i tA shing bcas thun gang ba'i dge rtsa ba 'byor bas tA shing dwa las tsang jun sogs la'ang legs skyes bstar bar mdzod 'dzin pa bkas mngags shing / rim gyis gong sa mchog sa skyong yab sras sogs nas phebs phyag bdag rkyen bla med du stsal te nyer bdun la rtse shod phebs skyel ba rnams dang bcas lha ldan nas chibs bsgyur gyis yer ba dang yer la brgyud/ na lendra zhes rgyun gyi dbang por 'bod pa'i gnas su phebs te rten ji snyed par mchod 'bul sogs dang skya ser 'dus tshogs la khrom dbang / bco brgyad du tshe rta sbags sgrub