[A:426]gling dang nyi skor gyi rdo zhig la blo gros chos kyi rgyal mtshan zhes pa'i yi ge rang byon du byung ba bzhin/ de dus kun gyis rje rdo rje 'chang nyid la mtshan de bzhin du gsol ba dang / rab 'byams pa mdo sngags chos 'phel gyis brtsams pa'i rje nyid kyi brtan bzhugs nang na'ang de bzhin 'khod lags/ mgo zla'i nyi shur khra 'brug dang nyer gcig snga dro gnas gsar rdo rje 'chang chen po chibs bsur byon dus nas bzung rje nyid kyi rigs bdag de nyid rnyed par gnang ba yin te/ de yang / 'jam mgon mkhyen brtse'i dbang phyug rang lugs snyan brgyud bstan pa rin po che'i mnga' bdag yin pa dang / rdo rje 'chang dbang phyug rab brtan 'jam mgon a mes zhabs kyis dbu blar mdzad pa dang / gnas gsar stong dpon sa skya pa'i sku nye yin pa sogs sgo du ma nas 'brel legs lam che ba bcas de dus rdo rje 'chang nyid kyi thugs dgongs la yab rje de nyid kyi gsung sgros kyi zur la yar klungs dbon rin po che zhes dgyis nyams mdzad pa dang / gzhan phyogs lhung gi gtam yang du ma gsan pa bcas dbon rin po che de bzang ngan ji 'dra yin nam dgongs pa las mtha' gcig tu nges pa'i bzang ngan ma 'khrungs shing / de gong gdan sa nas chibs ma bsgyur gong du thar rtse rdo rje 'chang nam mkha'i mtshan can gyis yum mchog dang mdzod 'dzin pa bcas la/ yar klungs zhabs drung du sku rus sku yon sogs gang sa nas dbu blar bzhes thub pa zhig byung na legs tshul dang / rjes su phyag bris kyi'ang brda sbyar bar brten mdzod 'dzin nas de rtsis kyi snyan sgron zhu rtsis bcas gang ltar khra 'brug tu zhal 'dzom thog /bla ma sku lta bas chog mi shes shing gsung 'jam zhing snyan pa gzigs pa tsam gyis thugs dad dbang med du 'khrungs pa zhig dang / rje rdo rje 'chang nyid zhal gzigs phyogs kyi rten 'brel sa rga'ang ma log par byang gzigs la zhabs drung nyid lho gzigs su thog mar zhal rgyas/ rim