[A:427]gyis gtam snyan bzhugs khrir chos sde'i thab bsu'i thog chos rje khu dbon gyi lo rgyus sogs zhib rgyas su phul/ bod kyi mkhar chags pa'i thog mar grags pa yum bu bla mkhar gtsug lag khang du mchod 'bul sogs kyi skabs/ rgyal rabs chos 'byung lo rgyus kyi bshad pa chu 'bab ltar gnang bas thugs yid 'phrogs te/ yab rje rdo rje 'chang / thar rtse rdo rje 'chang / brag rtsa ba chen po rnams nges shes gting nas rnyed pa'i bla ma dam par rang yin kyang / da lta'i sku gsung thugs kyi mdzad spyod 'di la dpags na bla ma 'di de bas lhag pa zhig med kyang mi zhan nges par 'dug dgongs pa'i thugs mos dang bcas bla brang gi sgo spe mkhan chen gzhon nu blo gros kyi gzim chung du gdan 'jags/ sang nyin sgrol dkar gyi gsung chog rgyas pa sngon 'gro'i zhabs brtan gyi tshe/ sku gsung thugs rten/ maNDal/ zhal dkar stegs bcas/ gding ba/ gos kyi bla bre sogs rten 'brel gyi rdzas gya nom pa dang / spyi so nas kyang dngos 'bul bla med bcas mdzad sbyor gyi mthar sku gsung thugs 'gyur med rdo rje gsum gyi rang bzhin du bzhugs te chos kyi 'khor lo rgya cher bskor ba sogs bka' mdo rgyud dgongs 'grel dang bcas pa nas drangs pa'i lung rig gi legs bshad stsal pa thugs kyi dpal ber sim pa sogs kyi rkyen gyis/ da cha bla ma 'di'i zhabs pad bsnyen nas gsung gi bdud rtsi ngom med du gsol ba zhig byung na ci ma rung dgongs pa'i dad mos lhag par yang 'khrungs pa ni/ rgyal sras shAnta de was/ da ni bdag gis ci nas kyang / /rigs dang mthun pa'i las brtsams te/ /skyon med btsun pa'i rigs 'di la/ /rnyog par mi 'gyur de lta bya/ /zhes byang chub sems dpa'i spyod pa bla na med pa'o/ /de'i tshe mdzod 'dzin gyis/ yab rje mchog sogs bla ma dam pa 'ga'