[A:430]ser mang por khrom dbang / rgyal rtser yang de bzhin bgyis/ gur par 'jam dbyangs dmar ser/ sa paN bla ma'i rnal 'byor/ 'byung 'dul bla ma mchod chog rnams dang / rkyang 'dur bde can dang ngor e waM chos ldan du'ang de bzhin/ dge sdings gzhis khar khrom dbang sogs mdzad de rta zla'i nang chibs bsu sogs sngar rgyun bzhin gyis gdan sa chen po dpal ldan sa skyar phyags legs par phebs te dga' ston gtang rag sogs kyis dus 'da' ba'i skabs so/ /de dag gi don bsdu na/ mdo khams sa skyod blo gros kumbha'i snod/ /brgyad ldan zhi bsil re ba'i bcud kyi rdzogs/ /snying po bde chen len pa'i dkyil 'khor du/ /zung 'jug yi ge bzhi ldan ngo bo bzhengs/ /'chi med myong grol bcud len rdzas sngags dang / /ting 'dzin nus mthus bskrun pa'i dge mtshan ltas/ /lhun grub gsal des kun gyi yid 'phrogs nas/ /bden gtam lce rtse'i ngos nas yang yang rgyug /gangs ljongs lha gcig pad dkar 'chang ba yi/ /thugs rje spro bsdu'i rten 'brel jo zhal zung / /nyid kyi sgyu 'phrul zlos pa'i gar dang bcas/ /dbus gtsang sbyin dang bde gshegs mchod kyis bskyangs/ /zhes kyang smras so// // ! de nas hor zla gnyis gsum gang rigs kyi bdun phra gcig ring sgrol dkar yid bzhin 'khor lo dang tshe rta sbags sgrub kyi ljags bsnyen/ sgrol dkar gyi sbyin sreg bcas bka' drin che zhing / sa ga'i mjug nas zla gcig ring khyad 'phags mgon khang du gur gyi mgon po'i ljags bsnyen yi ge bcu gnyis ma 'bru 'bum sbyin sreg bcas mdzad pa ni gur gyi ljags bsnyen dang po'i skabs dang / chu stod zla ba'i tshes 'gor rje btsun rig byed lha mo'i ljags bsnyen zhag bdun sbyin sreg bcas gnang skabs rnams la dngos nyams kyi ltas ya mtshan yod tshul rnams zin bris ma mchis shing / 'on kyang rig byed ma'i