[A:431]ljags bsnyen grol 'phral tsan dan dmar po'i phreng ba phyag 'byor sogs gzhung nas bshad pa'i 'grub rtags 'khrul med byung zhes gsung zer gyi zur las rnyed/ de lo'i badzra kI la ya'i sgrub mchod kyi rdo rje slob dpon mdzad de skal ldan gyi slob bu brgya dang nyer lnga de'i dkyil 'khor du smin grol la 'god par mdzad pa'i rgyun lo yun ring po'i bar du mang nyung ci rigs re dang / de lo gser mdog dbon por kye rdo rje'i rgyu dbang dang tshe dbang / gdan sa'i las chen pa sogs mtshams pa'i rigs rnams la lam dbang / gong ma'i rnal 'byor ma dang bstun mkha' spyod rdo rje btsun mo'i byin rlabs tshar lnga stsal zhing de'i zla mjug la 'jam mgon gnas gsar ba chen po gdan sar phebs te/ bod lo gsar pa'i yar tshes dge ba nas bzung kha'u brag rdzong pa'i lugs sam tshar lugs su'ang grags pa tshe thung dbang po yang rab tshe gcig la sangs rgyas pa'i thabs thun mong ma yin pa yongs rdzogs bstan pa rin po che'i nyams len gyi gdams pa gsung ngag zab mo slob bshad ces grags pa 'di nyid ni/ kun mkhyen klu sgrub rgya mtshos/ tshogs par bshad pa'i drang don za zi'i gtam/ /rnam par spangs te slob bu mchog dag la/ /gces par bskyangs pa'i nges don snying po'i bcud/ /zab mo slob bshad khyongs par byin gyis rlobs/ /zhes gsungs pa'i gsung ngag lugs gnyis kyi mchod tshul yang 'di lta ste/ mus chen 'khor lo sdom pa yan la tshogs slob kyi tha snyad mi snang yang mgon des bdag chen rdo rje 'chang la zab gnang 'ga' zhig zur du stsal ba nas de ltar du grags pa'i gdams ngag zab mos mtshon lo ngo phyed gnyis tsam gyi bar du gnas gsar 'jam mgon la bzhugs pa'i zab chos re gnyis tsam ma gtogs mtha' dag par bum pa gang byo'i tshul du bzhes mu'i zhal gyi chos