[A:434]thub bstan gser mdog can gyi chos grwa chen por byon thog tshe dpag med sprul sku'i rjes gnang zhig stsal te/ dbo zla'i tshes drug la gdan sa rtse gdong du phyags phebs nas bstan rgyun mi nyams srid mthar spel ba'i chos sbyin rgya cher mdzad tshul ni 'di lta lags/ gong ma lnga'i sku bstod kyi ljags lung gis chos sgo phye ste/ rim gyis 'jam dkar ma ti lugs/ sgrol dkar bka' babs bdun ldan/ tshe dpag med chag lugs rnams kyi rjes gnang lung bcas dang / bcom ldan 'das snying po kye rdo rje/ dpal chen yang dag /phur pa/ gsang ba 'dus pa/ mi bskyod rdo rje rnams kyi smin byed kyi dbang rdul tshon gyi dkyil 'khor steng nas dang / dkar bdud lcam dral gyi rjes gnang / skya ser 'dus cher khrom dbang grub rgyal ma/ kye rdor man ngag lugs kyi sgrub dkyil/ gdan sa'i chos spyod dang bskang ba bstod pa yongs rdzogs kyi khar rje rdo rje 'chang chen po'i zhal sgo las byon pa'i yab rje bsod nams rin chen gyi sku bstod le tshan/ yang dag gi brgyud 'debs/ de'i sgrubs thabs tshigs bcad ma rnams dang / bdag chen rdo rje 'chang gis mdzad pa'i bskang bsngon rgyal ma/ sa los mdzad pa'i glo bo mkhan chen bsod nams lhun grub dang zha lu lo chen gyi sku bstod/ sgrol ma'i mtshan brgya 'gyur bcos/ dkar cha bzhi rnams dang / chos rje bla ma dam pas mdzad pa'i rdo rje phur pa'i sgrub thabs rgyas 'bring / de'i dkyil chog rtogs par sla ba/ sngags 'chang chos kyi rgyal pos mdzad pa'i gtor bsngo chen mo/ phur chung / drug cu pa'i zin bris/ 'jam mgon a mes zhabs kyis mdzad pa'i tsi dmar bskang ba le tshan/ bse khrab pa'i bskang ba/ yab rje bsod nams rin chen gyis mdzad pa'i bskang ba rnams kyi ljags lung sogs bsten mkhas bgyi ba lhur